ايتىسكەر اقىن مۇحامەدجان تازابەك جۋرناليست جانار بايسەمٸزدٸڭ YouTube ارناسىنا بەرگەن سۇحباتىندا قازاقستاننىڭ تۇڭعىش پرەزيدەنتٸ نۇرسۇلتان نازارباەۆقا قاتىستى پٸكٸر بٸلدٸردٸ, دەپ حابارلايدى dalanews.kz.
اقىننىڭ ايتۋىنشا, ونىڭ كٶزقاراسى ناقتى بٸر تۇلعاعا ەمەس, جالپى بيلٸك جٷيەسٸندەگٸ قۇندىلىقتار مەن باسقارۋ مەدەنيەتٸنە باعىتتالعان.
"مەنٸڭ كٶزقاراسىم جەكە تۇلعالارعا – نازارباەۆقا, توقاەۆقا نەمەسە باسقا بيلٸك باسىنداعىلارعا ەمەس, جالپى بيلٸكتٸڭ قۇندىلىقتارىنا بايلانىستى", – دەدٸ ول.
تازابەك "تۇڭعىش پرەزيدەنت" ۇعىمىن وتباسىنداعى تۇڭعىش بالامەن سالىستىردى. ونىڭ سٶزٸنشە, وتباسىندا تۇڭعىش بالاعا ەرەكشە ٷمٸت ارتىلاتىنى سيياقتى, ەلدٸڭ العاشقى پرەزيدەنتٸنە دە كەڭ مٷمكٸندٸك پەن ايرىقشا ٶكٸلەتتٸك بەرٸلگەن.
اقىننىڭ پايىمىنشا, سول كەزەڭدە بيلٸك بٸر ورتالىققا شوعىرلانىپ, ماڭىزدى شەشٸمدەر كٶبٸنە بٸر جٷيەنٸڭ اينالاسىندا قابىلدانعان. دەگەنمەن ول ٶتكەن دەۋٸردەگٸ قاتەلٸكتەردٸ تەك بٸر ادامنىڭ اتىمەن بايلانىستىرۋ ەدٸلەتتٸ ەمەس دەپ سانايدى.
"نازارباەۆتىڭ ٶزٸ دە كادر مەسەلەسٸندە دە, باسقا شەشٸمدەردە دە قاتەلٸكتەر بولعانىن مويىنداعان. كەڭەستٸك تاپشىلىقتان كەيٸن حالىق مولشىلىققا ۇمتىلدى. بۇل بٸر ادامنىڭ عانا ەرەكەتٸ ەمەس, تۇتاس قوعامنىڭ تالپىنىسى ەدٸ", – دەدٸ مۇحامەدجان تازابەك.
ونىڭ ايتۋىنشا, 90-جىلدار مەن ٶتپەلٸ كەزەڭدە قوعامدا ەركٸم ٶز مٷددەسٸن كٷيتتەگەن جاعدايلار كٶپ بولدى. كەيبٸر ىقپالدى ازاماتتار مەن شەنەۋنٸكتەر مەملەكەت مٷلكٸنە جەكە مەنشٸگٸندەي قاراعان.
تازابەك بيلٸك جٷيەسٸندەگٸ كەمشٸلٸكتەردٸ تٷسٸنۋ ٷشٸن جەكە تۇلعالاردى عانا ەمەس, سول ورتانى قالىپتاستىرعان قوعامدىق سانا مەن قۇندىلىقتاردى دا سارالاۋ قاجەت ەكەنٸن ايتتى.
"قاتەلٸكتەردٸ بٸر ادامعا عانا تاڭۋ دۇرىس ەمەس. پاتشانىڭ جانىنداعىلار دا سول ورتانى قالىپتاستىرادى. تٶمەن ويلايتىندار ادامداردى تالقىلايدى, ورتاشا ويلايتىندار وقيعالاردى سٶز ەتەدٸ, ال جوعارى ويلايتىندار قۇندىلىقتاردى سارالايدى دەيدٸ. سوندىقتان مەن بارىنشا قۇندىلىق تۇرعىسىنان ويلاۋعا تىرىسامىن", – دەدٸ اقىن.
وسىلايشا مۇحامەدجان تازابەك نازارباەۆ كەزەڭٸنە باعا بەرگەندە ەموتسيياعا ەمەس, سول دەۋٸردەگٸ قوعامدىق احۋال مەن بيلٸك مەدەنيەتٸنە نازار اۋدارۋ كەرەك دەگەن وي ايتتى.
