بۇل تۋرالى قازاقپارات حابارلادى.
«ەرينە, بۇل ٶتە ۇياتتى جاعداي. ول تەرتٸپتٸك كوميسسييانىڭ الدىندا جاۋاپ بەردٸ, جۇمىستان شىعارىلدى. باسقا پوليتسەيلەر بويىنشا دا جۇمىستار اتقارىلۋدا. تيٸستٸ شارا قولدانامىز. ناقتى ورىن العان وقيعا ٷشٸن بٷكٸل پوليتسييانىڭ بەت-بەينەسٸ وسىنداي ەكەن دەپ ايتۋعا بولمايدى», - دەدٸ ول بٷگٸن ٷكٸمەت وتىرىسىنان سوڭ تٸلشٸلەرگە بەرگەن سۇحباتىندا.
«كٶلٸكتە وتىرعان ونىڭ ەرٸپتەسٸ اتقارىپ وتىرعان قىزمەتٸنەن بوساتىلدى, ولاردىڭ باسشىسى دا تەرتٸپتٸك جازاعا تارتىلدى», - دەدٸ مينيستر.
ەسكە سالا كەتەيٸك, Motor.kz پورتالى وسىعان دەيٸن Nissan Primera اۆتوكٶلٸگٸندە وتىرىپ دەرەت سىندىرعان پوليتسييا قىزمەتكەرٸنٸڭ فوتوسىن جارييالاعان بولاتىن. كٶلٸكتٸڭ الدىڭعى بٶلٸگٸندە ەكٸنشٸ پوليتسييا وتىرعان. باسىلىمنىڭ حابارلاۋىنشا, فوتوسۋرەت قاراساي باتىر-جاروكوۆ كٶشەلەرٸنٸڭ قيىلىسىندا تٷسٸرٸلگەن.
