Bul týraly Qazaqparat habarlady.
«Árıne, bul óte uıatty jaǵdaı. Ol tártiptik komısıanyń aldynda jaýap berdi, jumystan shyǵaryldy. Basqa polıseıler boıynsha da jumystar atqarylýda. Tıisti shara qoldanamyz. Naqty oryn alǵan oqıǵa úshin búkil polısıanyń bet-beınesi osyndaı eken dep aıtýǵa bolmaıdy», - dedi ol búgin úkimet otyrysynan soń tilshilerge bergen suhbatynda.
«Kólikte otyrǵan onyń áriptesi atqaryp otyrǵan qyzmetinen bosatyldy, olardyń basshysy da tártiptik jazaǵa tartyldy», - dedi mınıstr.
Eske sala keteıik, Motor.kz portaly osyǵan deıin Nissan Primera avtokóliginde otyryp dáret syndyrǵan polısıa qyzmetkeriniń fotosyn jarıalaǵan bolatyn. Kóliktiń aldyńǵy bóliginde ekinshi polısıa otyrǵan. Basylymnyń habarlaýynsha, fotosýret Qarasaı batyr-Jarokov kósheleriniń qıylysynda túsirilgen.
