الماتىدا ٶتكەن باسپاسٶز مەسليحاتىندا حاسان قاسىمباەۆتىڭ قورعاۋشىلارى ٸستەگٸ زاڭبۇزۋشىلىقتاردى اتاپ ٶتٸپ, ونى قوعامدىق رەزونانسقا بايلانىستى قۋدالاپ جاتقانىن مەلٸمدەدٸ, دەپ حابارلايدى Dalanews.kz Kursiv.kz-كە سٸلتەمە جاساپ.
ادۆوكات گٷلميرا باباجانوۆانىڭ سٶزٸنشە, العاشقى سوت وتىرىسى اشىق ٶتكەن, باق ٶكٸلدەرٸ قاتىسقان. بٸراق كەيٸن جۋرناليستەردٸ باسقا زالعا اۋىستىرىپ, پروتسەسكە تولىققاندى قاتىسۋ مٷمكٸندٸگٸنەن ايىرعان.
"بۇل – سوت تالقىلاۋىنىڭ جارييالىلىعىن ٶرەسكەل بۇزۋ", - دەدٸ ول.
قوعامدىق قورعاۋشى قۋات اۋعانبەك ٸستٸڭ تەك ايىپتاۋ باعىتىمەن جٷرٸپ جاتقانىن ايتادى. ونىڭ سٶزٸنشە, قاسىمباەۆتى ۇيىمداسقان قىلمىستىق توپ جەتەكشٸسٸ دەپ ايىپتايتىنداي ناقتى دەلەل جوق.
"بار بولعانى رەزونانسقا سٷيەنٸپ, ەش دەلەلسٸز ادام تاعدىرىن شەشٸپ وتىر. حاسان قاسىمباەۆ جالعان اقپارات پەن قوعامدىق قىسىمنىڭ قۇربانى بولىپ وتىر", - دەدٸ ول.
ادۆوكات ەرلان مەندەشەۆ قاسىمباەۆقا قاتىستى قىلمىستىق ٸستٸڭ 2021 جىلى دەلەل بولماۋىنا بايلانىستى توقتاتىلعانىن, كەيٸن شەرزات ٸسٸنەن تۋعان رەزونانسقا بايلانىستى قايتا قوزعالعانىن ايتتى.
"ٸستٸ مۇراعاتتان شىعارارداي ەشقانداي جاڭا مەن-جاي بولعان جوق", - دەيدٸ ول.
مەندەشەۆتٸڭ ايتۋىنشا, سوتقا دەيٸنگٸ تەرگەۋدە زاڭبۇزۋشىلىقتار تٸركەلگەن. جەبٸرلەنۋشٸ تاراپ تەرگەۋ دەرەكتەرٸن جارييالاماۋ تۋرالى قولحات بەرگەنٸنە قاراماستان باق-قا سۇقبات بەرگەن. سونىمەن بٸرگە ادۆوكات قاسىمباەۆ پەن ٶزگە كٷدٸكتٸلەرگە قىسىم جاسالعانىن, ارنايى جاساق قىزمەتكەرلەرٸ جاۋاپ الۋ كەزٸندە ازاپتاۋعا بارعانىن مەلٸمدەدٸ.
قورعاۋشىلار جەبٸرلەنۋشٸ ارمان ەلٸموۆتىڭ كٶرۋ قابٸلەتٸن جوعالتۋى كەسٸبي سپورتتاعى سوققىلاردىڭ سالدارى بولۋى مٷمكٸن ەكەنٸن العا تارتتى. ادۆوكات باباجانوۆا بۇل دەرەكتەردٸ ٸسكە تٸركەۋدٸ سۇراعانىمەن, سوت قابىلداماعان. ال قۋات اۋعانبەك جەبٸرلەنۋشٸگە قاتىستى قوعامدا جالعان وبراز قالىپتاسقانىن, ونىڭ تۇرمىستىق زورلىق پەن ەسٸرتكٸگە قاتىستى ٸستەر بويىنشا قىلمىستىق جاۋاپكەرشٸلٸككە تارتىلعانىن جەتكٸزدٸ.
ايتا كەتەيٸك, تالعاردا حاسان قاسىمباەۆقا قاتىستى سوت پروتسەسٸ جٷرٸپ جاتىر. ول ادام ۇرلاۋ, قاساقانا اۋىر دەنە جاراقاتىن كەلتٸرۋ جەنە بوپسالاۋ باپتارى بويىنشا ايىپتالۋدا.
