پرەزيدەنت ۇلتتىق مۋزەيدەگٸ ٶنەر تۋىندىلارى كٶرمەسٸن تاماشالادى دەپ حابارلادى, مەملەكەت باسشىسىنىڭ باسپاسٶز-قىزمەتٸ. پرەزيدەنتكە ٶنەرتانۋشى ولگا باتۋرينا قازاقستاندىق تالانتتى قىلقالام شەبەرلەرٸنٸڭ تۋىندىلارى جيناقتالعان «دالا كەسكٸندەمەسٸ: رەمٸزدەر, بوياۋلار, بەينەلەر» اتتى كٶرمەنٸ تانىستىردى.
ونىڭ اياسىندا قاسىم-جومارت توقاەۆ ەيگٸلٸ يتالييالىق سۋرەتشٸ لەوناردو دا ۆينچيدٸڭ «ەدەمٸ حانشايىم» (La bella principessa) كارتيناسىنىڭ تٷپنۇسقاسىن دا كٶردٸ. تانىمال تۋىندىنىڭ كٶرمەسٸ ۇلتتىق مۋزەيدٸڭ 10 جىلدىعىنا وراي يتالييانىڭ «Scripta Maneant» باسپاسىمەن بٸرلەسە ۇيىمداستىرىلعان. جوعارى رەنەسسانس دەۋٸرٸنە جاتاتىن بۇل قۇندى جەدٸگەر ەۋروپادان تىسقارى جەرگە العاش رەت شىعارىلىپ وتىر.
كٶرمە ەلٸمٸزدٸڭ مەدەنيەت جەنە اقپارات مينيسترلٸگٸنٸڭ, يتالييانىڭ قازاقستانداعى ەلشٸلٸگٸنٸڭ جەنە يتالييا مەدەنيەت ينستيتۋتىنىڭ قولداۋىمەن ٶتٸپ جاتىر.
ەلوردا تۇرعىندارى مەن قوناقتارى لەوناردو دا ۆينچيدٸڭ وسىناۋ بٸرەگەي تۋىندىسىن 4 تامىزعا دەيٸن تاماشالاي الادى.
كٶرمەنٸڭ بٸزدە ٶتۋٸنە ForteBank مۇرىندىق بولدى.
«ForteBank اتىنان بٸز لەوناردو دا ۆينچيدٸڭ «La Bella Principessa» كارتيناسىن قازاقستانعا ەكەلۋگە كٶمەكتەسكەن دەمەۋشٸلەردٸڭ بٸرٸ بولعانىمىزدى ماقتان تۇتامىز. يتالييانىڭ قازاقستانداعى ەلشٸسٸ البەرتي مىرزا ٶتكەن قىركٷيەكتە بۇل يدەيامەن بٶلٸسكەن ەدٸ. بٸز ForteBank اتىنان بۇل ۇسىنىستى ەستٸگەن بويدا قولدادىق. كٶپتەگەن جىلدار بويى بٸز مەدەنيەت, ٶنەر جوبالارىن قولداپ كەلەمٸز. 2006 جىلدان باستاپ بٸزدٸڭ استاناداعى باس كەڭسەمٸزدە Kulanshi Art Space كٶرمەسٸ جۇمىس ٸستەپ كەلەدٸ. وسى جىلدار ٸشٸندە گالەرەيادا قازاقستاندىق جەنە شەتەلدٸك سۋرەتشٸلەردٸڭ جۇمىستارى قويىلدى. دەڭگەيٸ بيٸك «La Bella Principessa» كارتيناسىن ەلگە ەكەلۋ وڭاي بولمادى. لەوناردو دا ۆينچي ٶز زامانىنىڭ گەنييٸ" - دەدٸ, باسپاسٶز مەسليحاتى بارىسىندا ForteBank باسقارۋشى ديرەكتورى ەلييا ەسجان.
La Bella Principessa - 15 عاسىردىڭ اياعىندا لەوناردو دا ۆينچي سالعان يتالياندىق اقسٷيەكتەرگە جاتاتىن جاس قىزدىڭ پورترەتٸ. جوعالىپ كەتٸپ, قايتا تابىلعان تۋىندى شەبەردٸڭ ەڭ جۇمباق ەرٸ تارتىمدى تۋىندىلارىنىڭ بٸرٸ. بۇعان دەيٸن كارتينا ەلەم بويىنشا بەس رەت قانا قويىلىپ, كٶپشٸلٸكتٸڭ ٷلكەن قىزىعۋشىلىعىن تۋدىرعان ەدٸ.
ۇيىمداستىرۋشىلار بارلىق ەلوردا تۇرعىندارى مەن قوناقتارىن لەوناردو دا ۆينچيدٸڭ سيرەك تۋىندىسىن باعالاۋ ٷشٸن كٶرمەگە شاقىرادى.
