قاشپاق بولىپ ۇستالعان ەكس-مينيستردىڭ قاماۋدا ۇستاۋ مەرزىمى تاعى ۇزاردى

ساعىنىش سارداروۆا 30 قاڭ. 2024 09:58 1350


بۇرىنعى ادىلەت ءمينيسترى مارات بەكەتايەۆتى كۇزەتپەن ۇستاۋ مەرزىمى تاعى ۇزاردى. بۇل تۋرالى استانا سوتى وكىلدەرى مالىمدەدى، - دەپ حابارلايدى Dalanews.kz.



استانا سوتى باسپا ءسوز قىزمەتى مالىمەتىنشە، قالانىڭ مامانداندىرىلعان اۋدانارالىق تەرگەۋ سوتى كۇدىكتى مارات بەكەتايەۆقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن 2024 جىلعى 21 اقپانعا دەيىن ۇزارتقان.



ەكس-شەنەۋنىكتى بىلتىر قازاندا سىبايلاس جەمقورلىققا قارسى قىزمەت ۇستاعان ەدى. ال جەلتوقساندا ونى كۇزەتپەن ۇستاۋ مەرزىمى 21 قاڭتارعا دەيىن ۇزاردى. بۇل جولى تاعى دا ۇزارىپ وتىر.


بۇعان دەيىن باس پروكۋروردىڭ ورىنباسارى اسەت شىندالييەۆ مارات بەكەتايەۆ قازاقستاننان قاشپاق بولعان ساتىندە ۇستالعانىن ايتقان ەدى. ال انتيكوردىڭ مالىمەتىنشە، بەكەتايەۆ ۇلەستەس كومپانيالاردىڭ مۇددەسىن قورعاعان.



ۇسىنىلعان
سوڭعى جاڭالىقتار