قارجى مينيسترلٸگٸ موبيلدٸ اۋدارىمدارعا قاتىستى سالىقتىق تەۋەكەلدەر جٶنٸندە ازاماتتارعا حابارلاما جولداي باستادى. بۇل تۋرالى بٷگٸن قارجى مينيسترٸنٸڭ بٸرٸنشٸ ورىنباسارى ەرجان بٸرجانوۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, مينيسترلٸك موبيلدٸ اۋدارىمدارعا قاتىستى بٸرٸنشٸ توقساننىڭ دەرەكتەرٸن سەۋٸر ايىندا الىپ, ولاردى ٶڭدەگەننەن كەيٸن مامىر ايىنان باستاپ ازاماتتارعا ەسكەرتۋ حابارلامالارىن جٸبەرۋدٸ باستاعان.
بٸرجانوۆتىڭ سٶزٸنشە, حابارلامالار بٸرنەشە ساناتتاعى ازاماتتارعا قاتىستى جٸبەرٸلٸپ جاتىر.
اتاپ ايتقاندا, ولار:
– كەسٸپكەر رەتٸندە تٸركەلمەگەن جەكە تۇلعالار;
– جەڭٸلدەتٸلگەن سالىق رەجيمٸمەن جۇمىس ٸستەيتٸن جەكە كەسٸپكەرلەر;
– جالپىعا بٸردەي بەلگٸلەنگەن رەجيم بويىنشا جۇمىس ٸستەيتٸن جەكە كەسٸپكەرلەر.
ۆيتسە-مينيستر قازٸرگٸ ۋاقىتتا ۆەدومستۆو سەرۆيستٸك مودەل بويىنشا جۇمىس ٸستەپ جاتقانىن ايتتى.
«بٸز ادامعا بەلگٸلٸ بٸر تابىس كٶرٸپ وتىرعانىمىزدى حابارلاپ, ونى دەكلاراتسييادا كٶرسەتۋدٸ ۇسىنامىز», – دەدٸ ەرجان بٸرجانوۆ.
ونىڭ ايتۋىنشا, جەڭٸلدەتٸلگەن رەجيمدەگٸ جەكە كەسٸپكەرلەر انىقتالعان ايىرماشىلىقتاردى بٸرٸنشٸ جارتىجىلدىق دەكلاراتسيياسىندا كٶرسەتە الادى. ال جالپىعا بٸردەي رەجيممەن جۇمىس ٸستەيتٸن كەسٸپكەرلەر بۇل مەلٸمەتتەردٸ جىلدىق دەكلاراتسيياعا ەنگٸزۋٸ قاجەت. سونىمەن بٸرگە كەسٸپكەر رەتٸندە تٸركەلمەي قىزمەت جٷرگٸزٸپ جٷرگەن ازاماتتارعا رەسمي تٸركەلۋ ۇسىنىلادى.
بٸرجانوۆ ەزٸرگە ەشكٸمگە ايىپپۇل سالىنباعانىن ەرەكشە اتاپ ٶتتٸ.
«بٷگٸنگٸ تاڭدا بٸردە-بٸر جەكە تۇلعاعا نەمەسە جەكە كەسٸپكەرگە قاتىستى ايىپپۇل سانكتسييالارى قولدانىلعان جوق. بٸز ولارعا الداعى دەكلاراتسييالارىندا قاتەلەرٸن تٷزەتۋگە مٷمكٸندٸك بەردٸك», – دەدٸ ول.
