– مەملەكەت باسشىسى قاسىم-جومارت توقاەۆ تٷركٸستان قالاسىندا ٶتكەن ۇلتتىق قۇرىلتايدا ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا عالىمدارىنىڭ قۇپييا قۇجاتتاردى زەرتتەۋ كەزٸندە جٷسٸپبەك ايماۋىتوۆ جازعان دەلٸنگەن شىعارمانىڭ تابىلعانىن ايتقان بولاتىن.
ەندٸ جٷسٸپبەك ايماۋىتوۆقا تەلٸنٸپ وتىرعان «تەز ٶلمەن» ٶلەڭٸنٸڭ عالىمداردىڭ قولىنا قالاي تٷسكەنٸ جايىندا از-كەم باياندايىق.
ارحيۆ قۇجاتتارىندا بۇل تۋىندىنى جٷسٸپبەك ايماۋىتۇلى اباقتىدا تەرگەۋدە جاتقان كەزٸندە جازعانى كٶرسەتٸلەدٸ.
ول قر ٸشكٸ ٸستەر مينيسترلٸگٸنە قاراستى قاراعاندى قالالىق پوليتسييا دەپارتامەنتٸنٸڭ ارنايى مەملەكەتتٸك ارحيۆ قورىنداعى №01093 ٸسٸندە ساقتالعان. بۇل ٸس جەنە باسقا دا كٶپتەگەن قۇجاتتار جاقىندا مەملەكەتتٸك كوميسسييا اياسىندا قۇپيياسىزداندىرىلعان ەدٸ.
شىعارما تٶتە جازۋمەن جازىلعان. سونىمەن قاتار, ورىس تٸلٸندەگٸ قىسقاشا تٷسٸندٸرمەسٸ دە بار.
تۋىندى تۋرالى قاراعاندى وبلىستىق وگپۋ باسقارماسىنا قاراستى ارنايى بٶلٸمٸنٸڭ باسشىسى ل.ۆ. كرۋچينين جاساعان تەرگەۋ حاتتاماسىندا دا ايتىلادى.
ول مۇنى الاشورداشىل ازامات, كارلاگتا قاماۋدا وتىرعان داموللا بيتٸلەۋوۆتٸ تەرگەگەن كەزٸندە انىقتاعان. تەرگەۋ بارىسىندا داموللا بيتٸلەۋوۆ احمەت بايتۇرسىنۇلى, مٸرجاقىپ دۋلاتوۆ جەنە باسقا دا الاشورداشىلارمەن قارىم-قاتىناسى جايىندا ايتا وتىرىپ, ۋايدا بايبەكوۆپەن ەكەۋٸ جٷسٸپبەك ايماۋىتوۆتىڭ ٶلەڭٸ جايىندا ەڭگٸمەلەسكەنٸن تٸلگە تيەك ەتكەن.
اباقتىدا جازىلعان شىعارما سوتتالۋشىلار اراسىندا تاراپ كەتكەن. داموللا بيتٸلەۋوۆ ٶلەڭدٸ ۋايدا بايبەكوۆكە ايتىپ بەرەدٸ. ٶز كەزەگٸندە ۋ. بايبەكوۆ ونى قاعازعا تٷسٸرەدٸ.
1933 جىلدىڭ 14 ماۋسىمىندا يسماعامبەت مەكٸشوۆ پەن نۇرعالي كادالەنكونى تەرگەۋ ٸسٸ بويىنشا ايىپتالۋشىلاردى بەتتەستٸرٸپ, حاتتاما تولتىرىلادى. سول حاتتامادا ي. مەكٸشوۆ ن. كادالەنكونىڭ ٶتٸنۋٸمەن داموللا بيتٸلەۋوۆتەن شىعارمانى الىپ, ونى كادالەنكوعا بەرگەنٸن ايتقان. بيتٸلەۋوۆ تۋىندىنى كارلاگتا وتىرعان سوتتالۋشىلاردىڭ اراسىندا ناسيحاتتاپ جٷرگەن.
ايتا كەتەرلٸگٸ, شىعارما ٷش بٶلٸكتەن تۇرادى. قازٸردٸڭ ٶزٸندە عالىمدار ٶلەڭنٸڭ مازمۇنىن 20-جىلدارداعى دەستٷرلٸ پوەزييانىڭ ستيلٸنە جۋىقتايتىنىن ايتىپ وتىر.
سوندىقتان تۋىندىعا فيلولوگييالىق ساراپتاما جاساۋ ٷشٸن پرەزيدەنت ارحيۆٸنٸڭ جانىنان ەدەبيەت جەنە ٶنەر ينستيتۋتىنىڭ ماماندارى مەن ايماۋىتوۆتانۋشى عالىمداردان قۇرالعان ارنايى توپ جاساقتالدى. عالىمدار تولىق زەرتتەپ, ورتاق تۇجىرىمعا كەلگەننەن كەيٸن ونىڭ قورىتىندىسى قوسىمشا جارييالاناتىن بولادى.
