ەكٸم الدىمەن ساۋران اۋدانىنداعى قوسمەزگٸل ەلدٸ مەكەنٸندەگٸ 300 ورىندىق مەكتەپتٸڭ جاي-كٷيٸمەن تانىستى. اتالعان بٸلٸم ۇياسى 2022 جىلى تاپسىرىلعان. كونكۋرستىق قۇنى – 1 ملرد. 180 ملن تەڭگە.
بٸراق بۇل مەكتەپ ەلٸ وقۋشىلاردى قابىلداي الماي وتىر. سەبەبٸ, اباتتاندىرۋ جەنە سۋمەن قامتۋ جۇمىستارى اياقتالماعان.
وسى مەسەلەگە توقتالعان وبلىس ەكٸمٸ قۇرىلىس باسقارماسىنىڭ باسشىسى مەن اۋدان ەكٸمٸنە كەمشٸلٸكتٸ مامىر ايىنىڭ سوڭىنا دەيٸن جويۋدى تاپسىردى.
– مەكتەپتٸڭ قۇرىلىسىنا از قارجى جۇمسالماعان. ەدەمٸ مەكتەپ سالۋعا تولىق جەتەدٸ. بٸراق مەردٸگەردٸڭ جۇمىسى قاداعالانباعان.
اباتتاندىرۋ جۇمىسىن اتقارۋ كەرەك. سۋمەن قامتۋ جٷيەسٸن, ويىن الاڭشالارىن, ستاديونىن رەتكە كەلتٸرٸڭٸزدەر. جاتتىعۋ قۇرال-جابدىقتارى مەن سپورت الاڭى بالالار ٷشٸن قاۋٸپسٸز بولۋى قاجەت.
قۇرىلىس باسقارماسى, اۋدان ەكٸمدٸگٸ, بٸلٸم باسقارماسى وسى مەسەلەلەردٸ بٸرلەسە اتقارىپ, مەكتەپتٸڭ جۇمىسىن باستاڭىزدار, – دەدٸ دارحان ساتىبالدى.
ٶڭٸر باسشىسى ودان كەيٸن ساۋران اۋداندىق ەمحاناسىن ارالاپ, جۇمىسىمەن تانىستى. دەنساۋلىق ساقتاۋ سالاسىنىڭ ٶكٸلدەرٸمەن كەزدەسٸپ, وسى سالاداعى مەسەلەلەردٸ تالقىلادى. الداعى جوسپارلار سارالاندى. تالقىلاۋ نەتيجەسٸندە اۋدانعا 500 ادامدى قابىلدايتىن زاماناۋي ەمحانا قاجەت ەكەنٸ انىقتالدى. وبلىس ەكٸمٸ بۇل مەسەلەنٸ شەشۋگە قولداۋ كٶرسەتٸلەتٸنٸن جەتكٸزدٸ. دەنساۋلىق ساقتاۋ باسقارماسى مەن اۋدان ەكٸمدٸگٸنە وسى جوبا بويىنشا ۇسىنىس بەرۋ تاپسىرىلدى.
