قاراعاندى وبلىسى بويىنشا ەكولوگييا دەپارتامەنتٸ جٷرگٸزگەن جوسپاردان تىس تەكسەرۋ نەتيجەسٸندە «قاراعاندى سۋ» جشس-نٸڭ اەراتسييا ستانتسيياسىنان شىعارىلاتىن تازارتىلعان اعىندى سۋلار قۇرامىندا لاستاۋشى زاتتاردىڭ رۇقسات ەتٸلگەن شەكتٸ مٶلشەردەن اسقانى بەلگٸلٸ بولدى, دەپ حابارلايدى dalanews.kz.
زەرتحانالىق ساراپتاما بارىسىندا اممياك (ازوت) مٶلشەرٸ 2,57 مگ/دم³ بولىپ تٸركەلگەن. ال بەلگٸلەنگەن شەكتٸ نورما – 2,49 مگ/دم³. سونىمەن قاتار نيتريتتەردٸڭ مٶلشەرٸ 0,925 مگ/دم³-دٸ قۇراپ, رۇقسات ەتٸلگەن 0,365 مگ/دم³ كٶرسەتكٸشٸنەن ايتارلىقتاي جوعارى بولعان.
ەكولوگييا دەپارتامەنتٸنٸڭ مەلٸمەتٸنشە, تەكسەرۋ قورىتىندىسى بويىنشا كەسٸپورىنعا قاتىستى ەكٸمشٸلٸك ٸس قوزعالىپ, انىقتالعان زاڭبۇزۋشىلىقتاردى جويۋ جٶنٸندە نۇسقاما بەرٸلدٸ.
«تەكسەرۋ نەتيجەسٸندە كەسٸپورىنعا قاتىستى ەكٸمشٸلٸك ٸس قوزعالىپ, انىقتالعان زاڭبۇزۋشىلىقتاردى جويۋ تۋرالى نۇسقاما بەرٸلدٸ. سونداي-اق 9 872 403 تەڭگە كٶلەمٸندە ەكٸمشٸلٸك ايىپپۇل سالىندى», - دەلٸنگەن ۆەدومستۆو حابارلاماسىندا.
