Qaraǵandy oblysy boiynsha Ekologiia departamenti júrgizgen jospardan tys tekserý nátijesinde «Qaraǵandy Sý» JShS-niń aeratsiia stantsiiasynan shyǵarylatyn tazartylǵan aǵyndy sýlar quramynda lastaýshy zattardyń ruqsat etilgen shekti mólsherden asqany belgili boldy, dep habarlaidy dalanews.kz.
Zerthanalyq saraptama barysynda ammiak (azot) mólsheri 2,57 mg/dm³ bolyp tirkelgen. Al belgilengen shekti norma – 2,49 mg/dm³. Sonymen qatar nitritterdiń mólsheri 0,925 mg/dm³-di qurap, ruqsat etilgen 0,365 mg/dm³ kórsetkishinen aitarlyqtai joǵary bolǵan.
Ekologiia departamentiniń málimetinshe, tekserý qorytyndysy boiynsha kásiporynǵa qatysty ákimshilik is qozǵalyp, anyqtalǵan zańbuzýshylyqtardy joiý jóninde nusqama berildi.
«Tekserý nátijesinde kásiporynǵa qatysty ákimshilik is qozǵalyp, anyqtalǵan zańbuzýshylyqtardy joiý týraly nusqama berildi. Sondai-aq 9 872 403 teńge kóleminde ákimshilik aiyppul salyndy», - delingen vedomstvo habarlamasynda.
