قاراعاندى وبلىسىنىڭ 15 مىڭ ستۋدەنتٸ «جاستار – زاڭ مەن تەرتٸپتٸڭ تٸرەگٸ» فورۋمىنا قاتىستى. ولارعا ەسٸرتكٸ ساۋداسىنان, ينتەرنەت-الاياقتىقتان جەنە دروپپەرلٸكتەن اقشا تاپپاق بولعان ٶز قۇرداستارىنىڭ قىلمىستىق جاۋاپكەرشٸلٸككە تارتىلعان ناقتى وقيعالارى كٶرسەتٸلدٸ. سوڭعى بەس جىلدا قازاقستاندا وسىنداي قىلمىستار جاساعانى ٷشٸن 21 جاسقا تولماعان 800 ادام سوتتالعان, دەپ حابارلايدى dalanews.kz.
فورۋمنىڭ باستى تاقىرىپتارىنىڭ بٸرٸ – قابىلداعان شەشٸمدەرٸ ٷشٸن جاۋاپكەرشٸلٸك. سونىمەن قاتار ستۋدەنتتەرگە قۇقىقتىق ساۋاتتىلىقتى ارتتىرۋ, ەسٸرتكٸ قىلمىستارىنىڭ, الاياقتىق پەن كيبەرقىلمىستىڭ الدىن الۋ مەسەلەلەرٸ تٷسٸندٸرٸلدٸ.
قاراعاندى وبلىسىنىڭ ەكٸمٸ ەرماعانبەت بٶلەكپاەۆ جاستاردىڭ قۇقىقتىق ساناسىن قالىپتاستىرۋدىڭ ماڭىزدىلىعىنا توقتالدى.
– بٷگٸندە جاستاردىڭ كٶزقاراسى مەن مٸنەز-قۇلقىنىڭ قالىپتاسۋىنا تسيفرلىق ورتا, ەسٸرەسە ەلەۋمەتتٸك جەلٸلەر بارعان سايىن كٶبٸرەك ىقپال ەتٸپ كەلەدٸ. بۇعان جاسٶسپٸرٸمدەر ايرىقشا بەيٸم: تەز اقشا تابۋعا دەگەن ۇمتىلىس كەيدە ولاردى ٶرەسكەل قاتەلٸكتەرگە, تٸپتٸ قىلمىسقا دەيٸن جەتەلەيدٸ. سوندىقتان مەملەكەت باسشىسى اتاپ ٶتكەندەي, بٸزدٸڭ مٸندەتٸمٸز – جاس ۇرپاقپەن جاۋاپكەرشٸلٸك, ادالدىق جەنە زاڭدى قۇرمەتتەۋ تۋرالى ولار تٷسٸنەتٸن تٸلدە ەرٸ زاماناۋي فورماتتا سٶيلەسۋ, – دەدٸ ەرماعانبەت بٶلەكپاەۆ.
قىلمىستىڭ ينتەرنەت كەڭٸستٸگٸنە بارعان سايىن بەلسەندٸ تٷردە اۋىسۋى تۋرالى وبلىس پروكۋرورى مۇرات تٸلەۋبەرديەۆ تە ايتتى. ونىڭ سٶزٸنشە, قۇقىق قورعاۋ ورگاندارىنا مۇنداي قىلمىستارمەن كٷرەسۋدٸڭ جاڭا تەسٸلدەرٸن مەڭگەرٸپ, جۇمىس ەدٸستەرٸن جەتٸلدٸرۋگە تۋرا كەلەدٸ. ال جاس ماماندار بۇل ٸسكە تىڭ يدەيالار مەن جاڭا كٶزقاراس ەكەلە الادى.
– قىلمىستىق ورتا عىلىمي-تەحنيكالىق پروگرەستٸڭ جەتٸستٸكتەرٸن ٶز ماقساتىنا پايدالانىپ وتىر. الاياقتىق جاساۋ, ەسٸرتكٸ ساتۋ سيياقتى قىلمىستار ينتەرنەت كەڭٸستٸگٸنە اۋىستى. قۇقىق قورعاۋ ورگاندارى ٶز جۇمىسىن قايتا قاراپ, قىلمىستاردى اشۋدىڭ جاڭا ەدٸستەرٸن ەزٸرلەپ جاتىر. بۇل رەتتە تىڭ كٶزقاراس پەن جاڭاشىل تەسٸلدٸڭ ماڭىزى وراسان. شىعارماشىلىق ويلاۋ, زەرەكتٸك, جاڭا شەشٸمدەر تابا بٸلۋ – جاستارعا تەن قاسيەتتەر. سوندىقتان سٸزدەرگە ارتىلار ٷمٸت زور, – دەدٸ مۇرات تٸلەۋبەرديەۆ.
سونىمەن بٸرگە فورۋمدا تەك تىيىم مەن جازا تۋرالى عانا سٶز بولعان جوق. ستۋدەنتتەرگە جاستاردىڭ تٷرلٸ داعدىلارىن دامىتۋعا, جۇمىس ٸزدەۋگە جەنە ٶز باستامالارىن جٷزەگە اسىرۋعا كٶمەكتەسەتٸن NextUrpaq, Jas Fund جەنە «ٶزٸڭنەن باستا» جوبالارى تانىستىرىلدى.
– مۇنداي فورۋمدار قاجەت, ٶيتكەنٸ ولار جاستار مەن بيلٸك ٶكٸلدەرٸ اراسىندا تٸكەلەي ديالوگ ورناتۋعا مٷمكٸندٸك بەرەدٸ. بٸز ٷشٸن بٸر-بٸرٸمٸزدٸ تىڭداۋ عانا ەمەس, جاستاردىڭ پٸكٸرٸ شىن مەنٸندە ماڭىزدى ەكەنٸن تٷسٸنۋ دە قاجەت. بٸز – ەلٸمٸزدٸڭ بولاشاعىن قالىپتاستىراتىن كەلەسٸ ۇرپاقپىز. سوندىقتان جاۋاپتى شەشٸم قابىلداۋدى بٷگٸننەن باستاپ ٷيرەنۋٸمٸز كەرەك. جاستارمەن زاڭ, تەرتٸپ جەنە جاۋاپكەرشٸلٸك تۋرالى سٶيلەسۋ اسا ماڭىزدى. زاڭ بٸز ونى ٶزٸمٸز قۇرمەتتەپ, ساقتاعان كەزدە عانا تولىققاندى جۇمىس ٸستەيدٸ, – دەيدٸ قاراعاندى مەديتسينا ۋنيۆەرسيتەتٸنٸڭ ستۋدەنتٸ شاپاعات قۇرمانعازىقىزى.
فورۋم اياسىندا قاراعاندى ۇلتتىق ۋنيۆەرسيتەتٸنٸڭ زاڭ فاكۋلتەتٸندە بولاشاق پروكۋرور اۋديتوريياسى اشىلدى.
مۇندا «پروكۋرورلىق قاداعالاۋ» پەنٸ بويىنشا ساباقتار پروكۋراتۋرانىڭ قازٸرگٸ قىزمەتكەرلەرٸنٸڭ قاتىسۋىمەن ٶتەدٸ.
فورۋم اشىق ەرٸ ينتەراكتيۆتٸ فورماتتا ۇيىمداستىرىلدى. ستۋدەنتتەر تٷرلٸ ويىندارعا, اشىق پٸكٸرتالاستار مەن پانەلدٸك كەزدەسۋلەرگە قاتىسىپ, ساراپشىلارعا سۇراق قويدى, ناقتى جاعدايلاردى تالقىلاپ, ٶز شەشٸمدەرٸن ۇسىندى.
فورۋم بارىسىندا قوعامدىق ٶمٸرگە بەلسەندٸ ارالاسقانى, ازاماتتىق ۇستانىمى, زاڭ مەن تەرتٸپ قاعيداتتارىن قۇرمەتتەگەنٸ ٷشٸن بٸرقاتار جاسقا وبلىس ەكٸمٸ مەن پروكۋرورىنىڭ العىس حاتتارى تابىستالدى.
سونداي-اق بالالارىن لايىقتى تەربيەلەپ, ەلدٸڭ جاۋاپتى ازاماتتارىن قالىپتاستىرۋعا ٷلەس قوسقان اتا-انالارعا دا العىس بٸلدٸرٸلدٸ.
ٸس-شارا «زاڭ جەنە تەرتٸپ» تۇجىرىمداماسىن ٸلگەرٸلەتۋ اياسىندا ٶتكٸزٸلدٸ. فورۋم جاستاردىڭ قۇقىقتىق مەدەنيەتٸن ارتتىرۋعا, قۇقىق بۇزۋشىلىقتاردىڭ الدىن الۋعا جەنە قابىلدايتىن شەشٸمدەرٸنە جاۋاپكەرشٸلٸكپەن قاراۋ داعدىسىن قالىپتاستىرۋعا باعىتتالدى.
