قاراعاندى وبلىستىق مەسليحاتىنىڭ دەپۋتاتتارى 2026–2030 جىلدارعا ارنالعان ٶڭٸردٸ دامىتۋ باعدارلاماسى اياسىنداعى ينۆەستيتسييالىق جوسپاردى بەكٸتٸپ, 2026 جىلعا ارنالعان وبلىستىق بيۋدجەتكە ٶزگەرٸستەر ەنگٸزدٸ. نەگٸزگٸ قارجى ناقتى سەكتوردى قولداۋعا قايتا بٶلٸندٸ, دەپ حابارلايدى Dala News.
ناقتىلانعان بيۋدجەت جوباسى وبلىستىق بيۋدجەت كوميسسيياسىنىڭ, ەكٸمدٸكتٸڭ, قوعامدىق كەڭەستٸڭ وتىرىستارىندا جەنە مەسليحاتتىڭ تۇراقتى كوميسسييالارىنىڭ بٸرلەسكەن جيىنىندا قارالدى. قۇجاتتا رەسپۋبليكالىق بيۋدجەتتەن بٶلٸنەتٸن ترانسفەرتتەر, مەملەكەتتٸك باعالى قاعازدار شىعارۋ جەنە 2025 جىلعى بيۋدجەتتٸڭ ورىندالۋ قورىتىندىلارى ەسكەرٸلگەن.
وبلىستىق ەكونوميكا جەنە بيۋدجەتتٸك جوسپارلاۋ باسقارماسىنىڭ باسشىسى دۋلات ەشكەنوۆتٸڭ ايتۋىنشا, بٶلٸنگەن قاراجات ەسەبٸنەن تۇرعىن ٷي-كوممۋنالدىق شارۋاشىلىق نىساندارىن, جول ينفراقۇرىلىمىن جەنە ەلەۋمەتتٸك وبەكتٸلەردٸ سالۋ, رەكونسترۋكتسييالاۋ جەنە جٶندەۋ شارالارى جٷزەگە اسىرىلادى. سونىمەن قاتار ەلەۋمەتتٸك ماڭىزى بار باعىتتار بويىنشا جولاۋشىلار تاسىمالىن, اگروٶنەركەسٸپ كەشەنٸن, ٶنەركەسٸپ سەكتورىن جەنە تۋريزمدٸ قولداۋ جالعاسادى. تابيعاتتى قورعاۋ شارالارى مەن كوممۋنالدىق مەنشٸك مٷلكٸن باسقارۋعا قاتىستى جوبالار دا قاراستىرىلعان.
ەلەۋمەتتٸك سالادا بيۋدجەت قاراجاتى مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ ارقىلى مەديتسينالىق كٶمەكتٸڭ قولجەتٸمدٸلٸگٸن كەڭەيتۋگە, جۇمىسپەن قامتۋدى قولداۋعا, مەدەنيەت, ٸشكٸ ساياسات جەنە جاستار ساياساتى باعىتىنداعى ٸس-شارالارعا جۇمسالماق.
سەسسييا بارىسىندا دەپۋتاتتار 2025–2027 جىلدارعا ارنالعان قورشاعان ورتانى قورعاۋ جٶنٸندەگٸ ٸس-شارالار جوسپارىنىڭ ورىندالۋ ەسەبٸن دە قارادى. تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ باسشىسى باحتييار سانباەۆتىڭ مەلٸمەتٸنشە, ٶتكەن جىلى ٷلكەن بۇقپا, نۇرا, سوقىر, توقىراۋىن ٶزەندەرٸنٸڭ ارنالارى تازارتىلىپ, توعىزقۇدىق جەنە جاستلەك گيدروتەحنيكالىق نىساندارى كٷردەلٸ جٶندەۋدەن ٶتكەن. قاراعاندى, بالقاش, تەمٸرتاۋ, ساران جەنە بٸرقاتار اۋدانداردا 15 كەرٸزدٸك تازارتۋ قۇرىلىسى مەن جەلٸلەرٸن سالۋ جەنە جاڭعىرتۋ جوبالارى 2026–2027 جىلدارى اياقتالماق.
اباي قالاسىندا سۇرىپتاۋ جەلٸسٸ بار زاماناۋي قاتتى تۇرمىستىق قالدىقتار پوليگونىنىڭ قۇرىلىسى اياقتالعان. ٶڭٸردە ورمان القاپتارىنىڭ اۋماعى ۇلعايىپ, زاڭسىز قوقىس ورىندارىن جويۋ جۇمىستارى كەزەڭ-كەزەڭٸمەن جٷرگٸزٸلۋدە.
سەسسييا قورىتىندىسىندا وبلىس ەكٸمٸ ەرماعانبەت بٶلەكپاەۆ اتقارۋشى ورگاندار مەن دەپۋتاتتاردىڭ ٶزارا تىعىز ىقپالداستىعى عانا ٶڭٸردٸڭ تۇراقتى دامۋىن قامتاماسىز ەتەتٸنٸن اتاپ ٶتتٸ.
