قاراعاندىدا مەملەكەت باسشىسى قاسىم-جومارت توقايەۆتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى سيفرلىق وزگەرىستەر ارقىلى شەشۋ» اتتى جولداۋىن تالقىلاۋعا ارنالعان وبلىستىق جيىن وتىرىسى ءوتتى.
جيىنعا مەملەكەتتىك ورگانداردىڭ باسشىلارى، دەپۋتاتتار، ارداگەرلەر، قۇرمەتتى ازاماتتار جانە قوعام قايراتكەرلەرى قاتىستى. قالالار مەن اۋداندار ونلاين رەجيمىندە قوسىلدى. كەڭەستىڭ نەگىزگى ماقساتى – جولداۋدا ايقىندالعان مىندەتتەردى قاراعاندى وبلىسىندا جۇزەگە اسىرۋ جولدارىن تالقىلاۋ. پرەزيدەنت جولداۋىندا ەل دامۋىنىڭ ستراتەگيالىق باعىتتارى ناقتىلاندى.
اتاپ ايتقاندا، سيفرلاندىرۋ مەن جاساندى ينتەللەكتىنى ەنگىزۋ، الەۋمەتتىك تۇراقتىلىقتى نىعايتۋ ماسەلەلەرى كوتەرىلدى. جيىن بارىسىندا ءسوز العان وبلىس اكىمى ەرماعانبەت بولەكپايەۆ پرەزيدەنتتىڭ «بۇگىنگى داۋىردەگى ءبىزدىڭ باستى بايلىعىمىز – مۇناي ەمەس، ءبىلىم مەن ينتەللەكت» دەگەن ءسوزىن نەگىزگە الا وتىرىپ، قاراعاندىنىڭ ەجەلدەن بىلىكتى كادرلارىمەن، مىقتى ءبىلىم بەرۋ الەۋەتىمەن تانىلعانىن تىلگە تيەك ەتتى.
– عىلىمعا، ونەركاسىپكە، مەديسيناعا ولشەۋسىز ۇلەس قوسقان مامانداردى دايارلاعان ءوڭىر بۇگىن، زامان تالابىنا ساي، الگوريتممەن، جاساندى ينتەللەكتپەن جۇمىس ىستەيتىن كادرلار تاربيەلەۋى كەرەك. قاراعاندى ءوڭىرى بولاشاق قازاقستاننىڭ زەرتحاناسىنا اينالۋى ءتيىس – مۇندا ءداستۇرلى ءوندىرىس پەن جاڭا تەحنولوگيا، اۋىر ونەركاسىپ پەن جاساندى ينتەللەكت توعىسۋى قاجەت. سوندا عانا ءبىزدىڭ بەلسەندىلىگىمىز بەن باستاماشىلدىعىمىز تەك ءوڭىردىڭ عانا ەمەس، تۇتاس ەلدىڭ دامۋ قارقىنىنا اسەر ەتەدى، – دەپ اتاپ ءوتتى ەرماعانبەت بولەكپايەۆ.
باسقوسۋ بارىسىندا وبلىس اكىمىنىڭ ءبىرىنشى ورىنباسارى ازامات تايجانوۆ تۇرعىن ۇي-كوممۋنالدىق جانە كولىك ينفراقۇرىلىمىن كەشەندى جاڭعىرتۋ ماسەلەلەرى بويىنشا ءسوز سويلەدى.
ول زاماناۋي تەحنولوگيالار مەن سيفرلىق شەشىمدەردى ەنگىزۋ اتالعان سالا جۇمىسىن جانداندىرۋعا مۇمكىندىك بەرەتىنىن العا تارتتى. ال ينۆەستيسيا، تۋريزم، كاسىپكەرلىك جانە وڭدەۋ ونەركاسىبىنە قاتىستى وڭىردە اتقارىلىپ جاتقان جۇمىس بارىسىن وبلىسى اكىمىنىڭ الەۋمەتتىك-ەكونوميكالىق دامۋ باعىتىنا جاۋاپتى ورىنباسارى ەرمەك الپىسوۆ باياندادى. ونىڭ ايتۋىنشا، قازىرگى تاڭدا وبلىستا 120 ينۆەستيسيالىق جوبا قولعا الىندى. سونىڭ ارقاسىندا 20 مىڭنان استام جاڭا جۇمىس ورنى اشىلادى.
جيىنعا قاتىسقان ساراپشىلاردىڭ ايتىنشا، بۇل ايماق دامۋىنا جاڭا سەرپىن بەرەدى. اگروونەركاسىپتىك كەشەندى دامىتۋ جولدارى جونىندە وبلىس اكىمىنىڭ ورىنباسارى رۋسلان كەنجەبەكوۆ باياندادى. اتاپ ايتقاندا، اگروحابت قۇرۋ، ۆەتەريناريالىق قىزمەتتى جەتىلدىرۋ، ءوڭىردىڭ سيفرلىق كارتاسىن ەنگىزۋ جانە سۋ رەسۋرستارىن ساقتاۋ شارالارى تالقىلاندى. اقپاراتتاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسىنىڭ باسشىسى كونستانتين يلنيسكيي «Digital Qazaqstan» ۇلتتىق ستراتەگياسى اياسىندا اتقارىلىپ جاتقان جۇمىسپەن تانىستىردى.
سونداي-اق، الداعى 5 جىلدا «Qarmet» اق-نا تيەسىلى ءوندىرىستى جاڭعىرتۋ، جاڭا تەحنولوگيالاردى ەنگىزۋ جانە كومپانيانىڭ ينۆەستيسيالىق جوبالارىن ىسكە اسىرۋعا بايلانىستى جوسپارىمەن ءبولىستى. كاسىپورىننىڭ تۇراقتى دامۋ جونىندەگى باسقارۋشى ديرەكتورى – ەربول يسمايلوۆتىڭ ايتۋىنشا، بۇل ماقساتقا 1،6 ترلن تەڭگە بولىنەدى.
قورشاعان ورتانى قورعاۋ، سۋدى ۇنەمدەۋ، ەكولوگيالىق مادەنيەتتى قالىپتاستىرۋ ماسەلەلەرىن شەشۋ جولدارىن وبلىستىق قوعامدىق كەڭەستىڭ ءتوراعاسى سەرىكجان بايبوسىنوۆ ۇسىندى. بايانداماشى «تازا قازاقستان» رەسپۋبليكالىق جوباسىنىڭ ماڭىزدىلىعىنا ايرىقشا توقتاپ ءوتتى. وتىرىس سوڭىندا وبلىس اكىمى ەرماعانبەت بولەكپايەۆ تۇراقتى دامۋ تاقىرىبىنا توقتالدى.
–تۇراقتى دامۋ – بۇل تەك ەكونوميكا مەن ەكولوگيا عانا ەمەس، سونىمەن بىرگە مىزعىماس قۇقىقتىق نەگىز. مىقتى مەملەكەتتىڭ ىرگەتاسى – ادىلەتكە نەگىزدەلگەن زاڭ، پاراساتتى بيلىك جانە جاۋاپكەرشىلىگى جوعارى ازاماتتار. وسىنىڭ ءبارىنىڭ ءتۇپقازىعى – زاڭ جانە ءتارتىپ. ولاي بولسا، پرەزيدەنت بەلگىلەگەن ستراتەگيالىق باعىتتار بويىنشا جۇمىسىمىزدى جۇيەلەپ، ناقتى قادامدارعا كوشەيىك، – دەپ ويىن تۇيىندەدى وبلىس اكىمى.
اياۋلىم سوۆەت
