بيىل باعدارلاما اياسىندا 280-نەن استام جاستى جۇمىسپەن قامتۋ جوسپارلانعان. ولار قالالىق ساياباقتاردى اباتتاندىرۋ جانە كوگالداندىرۋمەن اينالىساتىن بولادى. قاراعاندى قالالىق شتاب جالاقىنى «جاسىل ەل» جاستار ەڭبەك جاساقتارىنىڭ ساربازدارىنا 2021 جىلعا بەلگىلەنگەن ەڭ تومەنگى جالاقى مولشەرىندە تولەيدى. سونداي-اق، وبلىستىق شتابپەن كەلىسە وتىرىپ، ءاربىر ساربازعا (مولشەرى رەسپۋبليكالىق شتابىمەن انىقتالادى) قوسىمشا تولەماقى بەرىلەدى. جالپى ايلىق جالاقى 42500 تەڭگە مەن 65000 تەڭگەنىڭ كولەمىندە بولادى.
قالالىق شتابتىڭ ايتۋى بويىنشا بيىل ستۋدەنتتەر دە، وقۋشىلار دا باعدارلاماعا قاتىسا الادى.
– جۇمىس وقۋشىلار مەن ستۋدەنتتەر جازعى دەمالىسقا شىققان كەزدەن، ياعني 1 ماۋسىمنان باستالادى. سونداي-اق، 14 جاسار مەكتەپ وقۋشىلارى كۇنىنە 4 ساعاتتان جۇمىس ىستەيتىن بولادى. 16 جاستان اسقان جاستار 6 cاعات، ال 18-دەن 28-گە دەيىنگى جاس ارالىعىنداعىلار 8 ساعات جۇمىس جاسايدى. ءبىز تەك ستۋدەنتتەر مەن مەكتەپ وقۋشىلارىمەن شەكتەلمەيمىز. ەگەر ءسىز ءالى 29 جاسقا تولماساڭىز جانە ءسىز جۇمىس ىزدەسەڭىز، وندا ءبىزدىڭ شتابقا حابارلاسىڭىز، – دەيدى شتاب باسشىسى داۋلەت ەستانوۆ.
جۇمىسقا ورنالاسۋ ءۇشىن ءسىز تومەندەگى ساۋالنامانى تولتىرىڭىز (قوسىمشاداعى سىلتەمە) نەمەسە قۇجاتتاردى قاراعاندى كوشەسىندە ورنالاسقان قالالىق شتابتىڭ كەڭسەسىنە اكەلۋىڭىز كەرەك. شتاب مەكەنجايى ءاليحانوۆ 37، 311 كابينەت. سونداي-اق، بارلىق سۇراقتار بويىنشا قولداۋ ورتالىعى بار، جانە What’sApp قوسىمشاسى +7(778) 963-23-97 ارقىلى جىبەرۋگە بولادى.
قوسىمشا 1
«جاسىل ەل» جەج-نا جۇمىسقا تۇرۋعا قاجەتتى قۇجاتتار ءتىزىمى
جەكە كۋالىكتىڭ/ تۋۋ تۋرالى كۋالىكتىڭ كوشىرمەسى
كامەلەتكە تولماعان ادامدار ءۇشىن قوسىمشا اتا-انالارىنىڭ نەمەسە زاڭدى وكىلدەرىنىڭ جازباشا رۇقساتىن قوسا بەرىڭىز
ەگەر ءسىز ستۋدەنت / وقۋشى بولساڭىز – ءسىزدى راستايتىن قۇجاتتىڭ كوشىرمەسى
بۇل وقۋ ورنىنان الىنعان انىقتاما، ستۋدەنتتىڭ جەكە كۋالىگى، باعا كىتاپشاسى جانە ت.ب.
ب) ەگەر ءسىز جۇمىسسىز / ءوزىن-وزى جۇمىسپەن قامتىعان بولساڭىز: ءسىزدى راستايتىن قۇجاتتىڭ كوشىرمەسى
بۇل جۇمىسپەن قامتۋ بولىمدەرىندە جۇمىسسىز رەتىندە تىركەلگەندىگى تۋرالى كۋالىك نەمەسە ءوزىن-وزى جۇمىسپەن قامتىعان (رەسمي تابىس كوزدەرى جوق) تۋرالى ەركىن نىسانداعى انىقتاما بولۋى مۇمكىن
دەنساۋلىعىڭىز جايلى تەراپيەۆتتەن انىقتاما
جالاقى الۋ ءۇشىن جۋسان بانكتە (First Heartland Jysan Bank) جەكە IBAN سچەتىنىڭ بولۋى
ماڭىزدى:
- بارلىق قۇجاتتاردى 4 دانادا قالالىق شتابتىڭ كەڭسەسىنە اكەلۋگە بولادى. مەكەن-جايىمىز: اليحانوۆ كوشەسى 37، 311 كابينەت
- نەمەسە مىنا سىلتەمەنى قولدانا وتىرىپ ونلاين ءوتىنىم فورماسىن تولتىرىڭىز - https://clck.ru/UNcxn
