Qaraǵandyda «Jasyl el» eńbek jasaǵyna jastardy jumysqa qabyldaý bastaldy
Biyl baǵdarlama aiasynda 280-nen astam jasty jumyspen qamtý josparlanǵan. Olar qalalyq saiabaqtardy abattandyrý jáne kógaldandyrýmen ainalysatyn bolady. Qaraǵandy qalalyq shtab jalaqyny «Jasyl el» jastar eńbek jasaqtarynyń sarbazdaryna 2021 jylǵa belgilengen eń tómengi jalaqy mólsherinde tóleidi. Sondai-aq, oblystyq shtabpen kelise otyryp, árbir sarbazǵa (mólsheri respýblikalyq shtabymen anyqtalady) qosymsha tólemaqy beriledi. Jalpy ailyq jalaqy 42500 teńge men 65000 teńgeniń kóleminde bolady.
Qalalyq shtabtyń aitýy boiynsha biyl stýdentter de, oqýshylar da baǵdarlamaǵa qatysa alady.
– Jumys oqýshylar men stýdentter jazǵy demalysqa shyqqan kezden, iaǵni 1 maýsymnan bastalady. Sondai-aq, 14 jasar mektep oqýshylary kúnine 4 saǵattan jumys isteitin bolady. 16 jastan asqan jastar 6 caǵat, al 18-den 28-ge deiingi jas aralyǵyndaǵylar 8 saǵat jumys jasaidy. Biz tek stýdentter men mektep oqýshylarymen shektelmeimiz. Eger siz áli 29 jasqa tolmasańyz jáne siz jumys izdeseńiz, onda bizdiń shtabqa habarlasyńyz, – deidi shtab basshysy Dáýlet Estanov.
Jumysqa ornalasý úshin siz tómendegi saýalnamany toltyryńyz (qosymshadaǵy silteme) nemese qujattardy Qaraǵandy kóshesinde ornalasqan qalalyq shtabtyń keńsesine ákelýińiz kerek. Shtab mekenjaiy Álihanov 37, 311 kabinet. Sondai-aq, barlyq suraqtar boiynsha qoldaý ortalyǵy bar, jáne What’sApp qosymshasy +7(778) 963-23-97 arqyly jiberýge bolady.
Qosymsha 1
«Jasyl el» JEJ-na jumysqa turýǵa qajetti qujattar tizimi
Jeke kýáliktiń/ týý týraly kýáliktiń kóshirmesi
kámeletke tolmaǵan adamdar úshin qosymsha ata-analarynyń nemese zańdy ókilderiniń jazbasha ruqsatyn qosa berińiz
Eger siz stýdent / oqýshy bolsańyz – sizdi rastaityn qujattyń kóshirmesi
bul oqý ornynan alynǵan anyqtama, stýdenttiń jeke kýáligi, baǵa kitapshasy jáne t.b.
b) Eger siz jumyssyz / ózin-ózi jumyspen qamtyǵan bolsańyz: sizdi rastaityn qujattyń kóshirmesi
bul jumyspen qamtý bólimderinde jumyssyz retinde tirkelgendigi týraly kýálik nemese ózin-ózi jumyspen qamtyǵan (resmi tabys kózderi joq) týraly erkin nysandaǵy anyqtama bolýy múmkin
Densaýlyǵyńyz jaily terapevtten anyqtama
Jalaqy alý úshin Jýsan bankte (First Heartland Jysan Bank) jeke IBAN schetiniń bolýy
MAŃYZDY:
- Barlyq qujattardy 4 danada qalalyq shtabtyń keńsesine ákelýge bolady. Meken-jaiymyz: Alihanov kóshesi 37, 311 kabinet
- Nemese myna siltemeni qoldana otyryp onlain ótinim formasyn toltyryńyz - https://clck.ru/UNcxn
