قاراعاندىدا جادەل جاردەم جۇرگىزۋشىسىن ۇرعان ادامنىڭ ءىسى بويىنشا باپ جەڭىلدەدى

ساعىنىش سارداروۆا 05 ناۋ. 2024 09:27 5489

قاراعاندى ​​وبلىسىنىڭ پوليسيا دەپارتامەنتى جەدەل جاردەم كولىگىنىڭ جۇرگىزۋشىسىن سوققىعا جىققان نۇربولات داكەبايەۆقا قاتىستى ىسكە پىكىر ءبىلدىردى، - دەپ حابارلايدى Dalanews.kz.

ىشكى ىستەر ورگاندارى قاراعاندىدا جەدەل جاردەم كولىگىنىڭ جۇرگىزۋشىسىن سوققىعا جىققان كۇدىكتىنىڭ ۇستىنەن العاشىندا بۇزاقىلىقپەن دەنساۋلىعىنا ورتاشا اۋىرلىقتاعى زيان كەلتىرۋ دەرەگى بويىنشا قىلمىستىق ءىس قوزعاعان ەدى. 1 اقپاندا كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ال سوت-مەديسينالىق ساراپتاما جابىرلەنۋشىنىڭ جاراقاتى جەڭىل دارەجەدە ەكەنىن انىقتاعان.

قاراعاندى ​​وبلىسىنىڭ پوليسيا دەپارتامەنتى باسپا ءسوز قىزمەتى مالىمەتىنشە، وسىدان كەيىن كۇدىكتىنىڭ ارەكەتى بۇزاقىلىق ساناتىنا جاتقىزىلعان.

"21 اقپاندا قىلمىستىق ءىس ايىپتاۋ اكتىمەن بىرگە پروكۋرورعا جىبەرىلدى، ول شەشىمنىڭ زاڭدىلىعىن تەكسەرىپ، كۇدىكتىنى سوتقا بەردى"، - دەدى قاراعاندى ​​وبلىسى پوليسيا دەپارتامەنتىنىڭ باسپا ءسوز قىزمەتى وكىلى.

جەدەل جاردەم جۇرگىزۋشىسىن ۇرعانى ءۇشىن ايىپتالعان نۇربولات داكەبايەۆ قارقارالى اۋدانىنىڭ قىستاقتارىنىڭ بىرىندە، وبلىس ورتالىعىنان 200 شاقىرىم جەردە ۇستالعان ەدى.

سول كەزدە قاراعاندى وبلىسىنىڭ پوليسيا دەپارتامەنتى باستىعىنىڭ ورىنباسارى ءابىل ءابىلدين قىلمىستىق ءىستى تەرگەۋ قاتاڭ باقىلاۋدا ەكەنىن مالىمدەدى.

بۇعان دەيىن وعان تاعىلعان ايىپ بويىنشا ەڭ جوعارى جازا ءۇش جىلعا دەيىن باس بوستاندىعىنان ايىرۋ ەكەنى ايتىلعان بولاتىن.


ۇسىنىلعان
سوڭعى جاڭالىقتار
x