قاراعاندى وبلىسى بۇحار-جىراۋ اۋدانى كٶكپەكتٸ اۋىلىندا جاڭادان سالىنعان ساپاسىز ٷيلەرگە قاتىستى داۋ كٷشەيە تٷستٸ. رەزونانستان كەيٸن مەردٸگەر كومپانييا قىزمەتكەرلەرٸ بٸرقاتار تۇرعىنعا حابارلاسىپ, “ٷيٸمٸزدٸڭ جاعدايى جاقسى” دەگەن ۆيدەوجازبا تٷسٸرۋدٸ تالاپ ەتە باستاعان. بۇل تۋرالى بەلگٸلٸ جۋرناليست يۆان ستريجاكوۆ مەلٸمدەدٸ, دەپ حابارلايدى Dalanews.kz.
جۋرناليستٸڭ ايتۋىنشا, جەلٸدە تاراعان اقپاراتتان كەيٸن جەرگٸلٸكتٸ بيلٸك پەن مەردٸگەرلەر تۇرعىندارعا قىسىم كٶرسەتۋدٸ باستاعان.
“كٷنٸ كەشە ەلەۋمەتتٸك وسال وتباسىلارعا ارنالعان, قۇنى 50 ملن تەڭگەگە باعالانعان ٷيلەر تۋرالى ۆيدەو جارييالادىم. سول كٷنٸ-اق رەاكتسييا باستالعان. الدىمەن مەردٸگەر شاعىمدانعان تۇرعىنعا حابارلاسىپ, “نە ٷشٸن سٶزگە كەلٸپ جاتىرمىز?” دەپ ايتقان. ارتىنشا اۋداننان كوميسسييا كەلٸپ, “تاعى دا ۆيدەو جٸبەر” دەپ تالاپ قويعان”,- دەيدٸ ول.
ونىڭ ايتۋىنشا, مەردٸگەر ٶكٸلدەرٸ كٶرشٸ ٷيلەردٸ ارالاپ, شاعىم جوق ەكەنٸن دەلەلدەيتٸن جاڭا ۆيدەولار تٷسٸرتۋدٸ تالاپ ەتكەن.
“كٶرشٸلەرگە بارىپ, “سٸزدەردە پروبلەما جوق قوي, سونى ۆيدەوعا تٷسٸرٸڭٸزدەر” دەپ تالاپ ەتكەن. بۇل نە سۇمدىق?”, - دەپ اشۋلاندى ول.
سونىمەن قاتار ول جاعدايدى جىلى جاۋىپ قويۋعا تىرىسقانداردى قاتاڭ سىنعا الدى.
“سٸزدەر مەسەلەنٸ شەشكٸلەرٸڭٸز كەلە مە, ەلدە ٶز ورىندارىڭىزدى ساقتاپ قالعىلارىڭىز كەلە مە?", - دەپ ساۋال قويدى ول.
ەكٸمگە ٷندەۋ
جۋرناليست بۇقار-جىراۋ اۋدانىنىڭ ەكٸمٸ ەرلان قۇسايىنعا ارنايى ٷندەۋ جولداپ, ونىڭ كەيبٸر قىزمەتكەرلەرٸ جاعدايدى بۇرمالاپ وتىرعانىن ايتتى.
“ەرلان بەسٸمەلٸۇلى, سٸزدٸ قۇرمەتتەيمٸن. بٸراق سٸزدٸ وسىلاي ۇياتقا قالدىرۋدى كٶزدەپ وتىرعاندار بار سەكٸلدٸ. ەڭ ماڭىزدى سۇراق — بۇل ٷيلەردٸ جەكە تۇلعادان نە ٷشٸن جەنە قانداي باعامەن ساتىپ الدىڭىزدار? باعالاۋ بولدى ما? تەحنيكالىق ساراپتاما جاسالدى ما?”, — دەدٸ ول.
ستريجاكوۆ ەلەۋمەتتٸك ٷي الۋ باعدارلاماسىنا قاتىساتىن وتباسىلار 10% باستاپقى جارنا تٶلەۋٸ تيٸس ەكەنٸن ەسكە سالدى.
“ٷيدٸڭ قۇنى 24,8 ملن تەڭگە دەپ كٶرسەتٸلگەن. دەمەك وتباسى 2,4 ملن تەڭگە تٶلەۋٸ تيٸس. بۇل — ناقتى باعانى جاسىرۋ ەمەس پە? ال سول اقشاعا لايىق ساپا بار ما?” — دەدٸ.
جۋرناليست بيلٸك پەن مەردٸگەرلەردٸ تۇرعىندارعا قىسىم كٶرسەتۋدٸ توقتاتىپ, ناقتى پروبلەمالاردى شەشۋگە شاقىردى.
“ادامدارعا تيٸسۋدٸ قويىڭىزدار. ٷيدە نە دۇرىس ەمەس, سونى جٶندەڭٸزدەر. پروبلەمانى شەشۋدٸڭ ورنىنا ۆيدەو جيناۋمەن اينالىسۋ — ماسقارا جاعداي”, — دەدٸ ول.
بۇعان دەيٸن
ەسكە سالا كەتەيٸك, بۇعان دەيٸن بەلگٸلٸ جۋرناليست يۆان ستريجاكوۆ قاراعاندى وبلىسى بۇحار-جىراۋ اۋدانىنا قاراستى كٶكپەكتٸ اۋىلىندا ەلەۋمەتتٸك وسال توپتارعا ارنالعان جاڭا ٷيلەردٸڭ ساپاسىنا قاتىستى مەسەلەنٸ كٶتەرگەن بولاتىن.
جۋرناليستتٸڭ ايتۋىنشا, قۇنى شامامەن 50 ملن تەڭگە بولاتىن باسپانالاردىڭ جاعدايى سىن كٶتەرمەيدٸ: ٷيلەردٸڭ ٸشٸ ىلعال, قابىرعالارى سىز تارتىپ, تەرەزەلەرٸنەن سۋ كەتەدٸ, بٶلمەلەردٸ زەڭ باسقان. بالالارى جيٸ اۋىرىپ جاتقان تۇرعىندار ستريجاكوۆتان كٶمەك سۇراعان.
ونىڭ سٶزٸنشە, بۇل ٷيلەر تەگٸن بەرٸلمەيدٸ. تۇرعىندار اي سايىن جالعا الۋعا تٶلەيدٸ, ال كەيٸن ساتىپ الۋ ٷشٸن 10% العاشقى جارنا ەنگٸزۋٸ تيٸس. سوعان قاراماستان, باسپانالاردىڭ ساپاسى تالاپقا ساي ەمەس.
ستريجاكوۆ كەپٸلدٸك مەرزٸمٸ ٶتپەي تۇرىپ تەحنيكالىق ساراپتاما تاعايىنداۋدى جەنە تكش بٶلٸمٸنٸڭ جاۋاپكەرشٸلٸگٸن تەكسەرۋدٸ تالاپ ەتكەن.
تۇرعىندار دا ٷي تاپسىرىلعان كٷننەن باستاپ اقاۋلار توقتاماعانىن ايتىپ شاعىمدانعان:
- ەسٸكتٸڭ استى اشىق, سۋىق جەل سوعادى;
- تەرەزەلەر تەرلەيدٸ, بۇرىشتاردى زەڭ باسقان;
- قابىرعالار جارىلىپ جاتىر;
- سۋ قۇبىرلارى دۇرىس بەكٸتٸلمەگەن, جۋىناتىن بٶلمەدە سۋ اتقىلاعان;
- جەلدەتكٸشتەن سۋ تامشىلايدى.
ولار تكش بٶلٸمٸنە بٸرنەشە رەت جٷگٸنگەنٸمەن, ناقتى جۇمىستار اتقارىلماعانىن ايتقان ەدٸ.
“بٸزدٸڭ جالعىز تالابىمىز – ۋەدە ەتٸلگەن جۇمىستى ورىنداۋ. ارتىق نەرسە سۇرامايمىز”, - دەگەن بولاتىن تۇرعىندار.
