قاراعاندى ماڭىندا 19 كولىكتىڭ جول اپاتىنا تۇسۋىنە قاتىستى تىڭ دەرەكتەر بەلگىلى بولدى، دەپ حابارلايدى Dalanews.kz.
قاراعاندى وبلىسىندا پوليسەيلەر تاڭعى 10:30-دان باستاپ بارلىق باعىت بويىنشا اۆتوجولداردا تۇرىپ قالعان كولىكتەردى ىلەسپە الىپ ءجۇرۋدى باستاعان.
ءۇشىنشى كۇن قاتارىنان وبلىس اۋماعىندا بوران سوعىپ، سوڭى كوكتايعاق بولۋىنان جولداعى جاعدايدى قيىنداتىپ وتىر. قازىرگى ۋاقىتتا جولداردا شامامەن 2400 كولىك قالىپ وتىر: ونىڭ 1181 جۇك كولىگى، 1169 جەڭىل اۆتوكولىك جانە 29 اۆتوبۋس. 5000-نان استام ادام ءماجبۇرلى وقشاۋلاۋدا قالدى.
ەڭ كۇردەلى جاعداي قاراعاندىعا قاراي وڭتۇستىك باعىتتا: سارىشاعان، بالقاش جاقتارىندا قالىپتاستى. مۇندا 1438 كولىك، ونىڭ ىشىندە 721 جەڭىل، 693 جۇك كولىكتەرى جانە 24 اۆتوبۋس توقتاپ قالعان. 3723 ادام جىلىتۋ پۋنكتتەرىنە ورنالاستىرىلدى.
بالقاشتان جامبىل وبلىسىنىڭ شەكاراسىنا دەيىنگى ارالىقتا پوليسەيلەر 595 جولاۋشىسى بار 440 اۆتوكولىكتى الىپ جۇرۋدە.
پوليسيا، تجد جانە «قازاۆتوجول»قىزمەتتەرىنىڭ بىرلەسكەن كۇش-جىگەرى ءاربىر جولاۋشىعا جەدەل كومەك كورسەتۋگە مۇمكىندىك بەردى. ءاربىر جولاۋشى دەر كەزىندە جىلىتۋ پۋنكتتەرىنە جەتكىزىلىپ، وندا ەرىكتىلەر جەرگىلىكتى اتقارۋشى ورگاندار جانە كاسىپكەرلەرمەن بىرگە ىستىق تاماق ۇيىمداستىردى. قاجەت بولعان جاعدايدا كولىكتەر جاقىن ماڭداعى ەلدى مەكەندەرگە جەتكىزىلدى.
الداعى ايازدارعا بايلانىستى پوليسيا دەپارتامەنتى شۇعىل قاجەتتىلىكسىز جولعا شىقپاۋعا شاقىرادى.
