Qaraǵandy mańynda 19 kóliktiń jol apatyna túsýine qatysty tyń derekter belgili boldy, dep habarlaidy Dalanews.kz.
Qaraǵandy oblysynda politseiler tańǵy 10:30-dan bastap barlyq baǵyt boiynsha avtojoldarda turyp qalǵan kólikterdi ilespe alyp júrýdi bastaǵan.
Úshinshi kún qatarynan oblys aýmaǵynda boran soǵyp, sońy kóktaiǵaq bolýynan joldaǵy jaǵdaidy qiyndatyp otyr. Qazirgi ýaqytta joldarda shamamen 2400 kólik qalyp otyr: onyń 1181 júk kóligi, 1169 jeńil avtokólik jáne 29 avtobýs. 5000-nan astam adam májbúrli oqshaýlaýda qaldy.
Eń kúrdeli jaǵdai Qaraǵandyǵa qarai ońtústik baǵytta: Saryshaǵan, Balqash jaqtarynda qalyptasty. Munda 1438 kólik, onyń ishinde 721 jeńil, 693 júk kólikteri jáne 24 avtobýs toqtap qalǵan. 3723 adam jylytý pýnktterine ornalastyryldy.
Balqashtan Jambyl oblysynyń shekarasyna deiingi aralyqta politseiler 595 jolaýshysy bar 440 avtokólikti alyp júrýde.
Politsiia, TJD jáne «QazAvtoJol»qyzmetteriniń birlesken kúsh-jigeri árbir jolaýshyǵa jedel kómek kórsetýge múmkindik berdi. Árbir jolaýshy der kezinde jylytý pýnktterine jetkizilip, onda eriktiler jergilikti atqarýshy organdar jáne kásipkerlermen birge ystyq tamaq uiymdastyrdy. Qajet bolǵan jaǵdaida kólikter jaqyn mańdaǵy eldi mekenderge jetkizildi.
Aldaǵy aiazdarǵa bailanysty Politsiia departamenti shuǵyl qajettiliksiz jolǵa shyqpaýǵa shaqyrady.
