مەجٸلٸس دەپۋتاتى ايدوس سارىم ۋكرايناداعى «قارا تٸزٸمگە» ەنگٸزٸلۋٸنە قاتىستى رەداكتسييا تٸلشٸسٸنٸڭ سۇراعىنا جاۋاپ بەردٸ, دەپ حابارلايدى Dalanews.kz.
ايدوس سارىمنىڭ ايتۋىنشا, شەتەلدەگٸ قانداي دا بٸر تٸزٸمدەر ونىڭ قىزمەتٸنە نەمەسە ۇستانىمىنا ەسەر ەتپەيدٸ, ەرٸ ول بۇل مەسەلەنٸ جەكە ٶزٸ ٷشٸن ماڭىزدى دەپ سانامايدى.
«ەڭ باستىسى – قازاقستاننىڭ قارا تٸزٸمٸندە بولماسام بولدى. ماعان رەسەي مەن ۋكراينا حالقى كەرەك ەمەس, ولاردىڭ بٸر-بٸرٸمەن سوعىسقانى دا قىزىق ەمەس. مەنٸ تەك قازاقستاننىڭ جاعدايى, بٸزدٸڭ ەلدٸڭ قاۋٸپسٸزدٸگٸ مەن بولاشاعى عانا الاڭداتادى», – دەدٸ دەپۋتات.
سارىم بۇل مەسەلەگە بايلانىستى سىرتقى ٸستەر مينيسترلٸگٸنە جٷگٸنبەگەنٸن دە ايتتى. ونىڭ سٶزٸنشە, ۋكراينادا سوعىس جاعدايىندا جۇمىس ٸستەپ جاتقان ديپلوماتتاردى قوسىمشا مەسەلەمەن الاڭداتۋدىڭ قاجەتٸ جوق.
«ديپلوماتتارعا جٷك ارتۋدىڭ كەرەگٸ نە? ولار قازٸر كيەۆتە اۋىر جاعدايدا وتىر, ٶز پروبلەمالارى جەتكٸلٸكتٸ», – دەدٸ ول.
دەپۋتات ەلەۋمەتتٸك جەلٸلەر مەن مەديادا بۇل تاقىرىپتىڭ كەڭٸنەن تالقىلانۋىنا دا تٷسٸنبەيتٸنٸن جەتكٸزدٸ. ونىڭ پٸكٸرٸنشە, ەڭگٸمە قانداي دا بٸر مەملەكەتتٸك شەشٸم تۋرالى ەمەس, جەكەلەگەن سايتتىڭ باستاماسى جٶنٸندە عانا بولىپ وتىر.
ايتا كەتەيٸك, بۇعان دەيٸن Dala News رەداكتسيياسى ايدوس سارىمنىڭ ەسٸمٸ ۋكرايناداعى «ميروتۆورەتس» سايتىنىڭ بازاسىندا پايدا بولعانى جٶنٸندە جازعان بولاتىن. اتالعان سايتتا دەپۋتاتقا قاتىستى «گۋمانيتارلىق اگرەسسيياعا قاتىسى بار», «رەسەيلٸك نارراتيۆتەردٸ تاراتتى» دەگەن سيپاتتاعى ايىپتاۋلار كەلتٸرٸلگەن.
الايدا ايدوس سارىم بۇل تۇجىرىمدارعا جەكە-جەكە توقتالۋدان باس تارتىپ, ٶزٸنە تاعىلعان ايىپتاردى پراكتيكالىق مەنٸ جوق باعالار دەپ ەسەپتەيتٸنٸن ايتتى. ونىڭ سٶزٸنشە, قازاقستان ٸشٸندەگٸ مەسەلەلەر مەن ەل مٷددەسٸ – كەز كەلگەن سىرتقى باعالاۋدان ەلدەقايدا ماڭىزدى.
