بۇل بىرىنشىدەن ۋنيۆەرسيتەتتىڭ ىشكى قۇرىلىمىنا بايلانىستى. سونىمەن قاتار، قازۇۋ الەمدەگى ەڭ وزىق تەحنولوگيالىق 50 ۋنيۆەرسيتەتتىڭ ءبىرى. بەلگىلى «GreatValueColleges» حالىقارالىق ۇيىمىنىڭ رەيتينگىندە قازاقستاندىق ۋنيۆەرسيتەت تمد ەلدەرىنىڭ عانا ەمەس، سونىمەن قاتار شىعىس جانە ورتالىق ەۋروپانىڭ جالعىز وكىلى بولىپ تابىلادى. قازۇۋ-دىڭ تاعى ءبىر كەرەمەت جەتىستىگى «كەرەمەت» ستۋدەنتتەرگە قىزمەت كورسەتۋ ورتالىعى.
«كەرەمەت» كەشەنىندە ستۋدەنتتەر قاجەتتى قۇجاتتارىن رەسىمدەۋگە، زاڭگەرلەر مەن بىلىكتى مامانداردىڭ كەڭەسىنە جۇگىنۋگە، قىزمەتكە ورنالاسۋ ءۇشىن قۇجات تاپسىرۋعا، ءتىپتى، مەديسينالىق كومەك، ينتەرنەت-كافە، ۇشاق جانە تەمىرجول كاسسالارى، كينوتەاتر، شاعىن سۋپەرماركەت سەكىلدى اسا قاجەتتى قىزمەتتىڭ بارلىق تۇرىنە قول جەتكىزە الادى.
ورتالىقتىڭ ينفراقۇرىلىمى 7300 شارشى م. ورنالاسقان جانە 8 پاۆيلوننان جانە 5 سەكتور مەن بولىمدەردەن تۇرادى.كوپفۋنكسيونالدىق سەكتورلاردىڭ ءبىرى «ءبىر تەرەزە» قاعيداسى بويىنشا جۇمىس اتقاراتىن وقۋ سەكتورى. مۇندا ستۋدەنتتەر مەن وقىتۋشى-پروفەسسور قۇرامى ءۇشىن كەلەسى بولىمدەر قىزمەت ۇسىنادى: ستۋدەنتتىك، حالىقارالىق، تىركەۋشى كەڭسەسى، پاسپورت ۇستەلى جانە قارجى قىزمەتى.سونىمەن قاتار،ورتالىققا دارىگەرلەر قۇرامى دا جاساقتالعان. ەم شارالارىن تەراپيەۆت، بالا دارىگەرى، وفتالمولوگ، وتورينولارينگولوگ، نيەۆروپاتولوگ، ۋرولوگ، اكۋشەر-گينەكولوگ، گاستروەنتەرولوگ، كارديولوگ، سىنىقشى-ورتوپەد دارىگەرلەر جۇرگىزەدى.ءبىلىم الۋشى جاستار مەن وقىتۋشىلار قۇرامىنا مەديسينالىق تەكسەرۋ ءۇشىن حالىقارالىق قازاقستان-كورەيا دياگنوستيكالىق ورتالىعى دا اشىلعان بولاتىن. ۋنيۆەرسيتەتتى اياقتاعاننان كەيىن دە ستۋدەنتتەر جۇمىسپەن قامتۋ ماسەلەلەرى بويىنشا «كەرەمەت» اكىمشىلىك، الەۋمەتتىك-تۇرمىستىق سەكتورى ماماندارىنىڭ قولداۋىنا جۇگىنە الادى.ورتالىقتا جاستار ساياساتى ماسەلەسى دە ءوز شەشىمىن تاپقان. ستۋدەنتتىك قوعامدىق ۇيىمدار جاستار سەكتورىندا ءتۇرلى ءىس-شارالار ۇيىمداستىرىپ،ۋاقىتتارىن ءتيىمدى پايدالانۋدا.
قازاق ۇلتتىق ۋنيۆەرسيتەتى ءوز الدىنا ءبىر قالاشىق بولعاننان كەيىن، قارا شاڭىراقتىڭ ىشكى سۇلۋلىعى دا، تابيعي كورىنىسى دە ستۋدەنتتەر ءۇشىن تاپتىرماس دەمالىس ورنى.ءتۇرلى جادىگەرلەرمەن، مۇسىندەر جانە ارحەولوگيالىق ەسكەرتكىشتەرمەن كومكەرىلگەن ۋنيۆەرسيتەت بۇگىنگى زامان تالابىنا ساي ءبىلىم ورداسى.
ابيكەنوۆ ا.ا
ءال-فارابي اتىنداعى قازۇۋ-دىڭ زاڭ فاكۋلتەتى ازاماتتىق قۇقىق جانە ازاماتتىق ءىس جۇرگىزۋ،ەڭبەك قۇقىعى كافەدراسىنىڭ دوسەنتى،ز.ع.ك.
ءومىرتاي روزا
ءال-فارابي اتىنداعى قازۇۋ-دىڭ زاڭ فاكۋلتەتى ازاماتتىق قۇقىق جانە ازاماتتىق ءىس جۇرگىزۋ،ەڭبەك قۇقىعى كافەدراسىنىڭ اعا وقىتۋشىسى،ز.ع.ك. ادۆوكات
