Qara shańyraqtyń «Keremeti»
Bul birinshiden ýniversitettiń ishki qurylymyna bailanysty. Sonymen qatar, QazUÝ álemdegi eń ozyq tehnologiialyq 50 ýniversitettiń biri. Belgili «GreatValueColleges» halyqaralyq uiymynyń reitinginde qazaqstandyq ýniversitet TMD elderiniń ǵana emes, sonymen qatar Shyǵys jáne Ortalyq Eýropanyń jalǵyz ókili bolyp tabylady. QazUÝ-dyń taǵy bir keremet jetistigi «Keremet» stýdentterge qyzmet kórsetý ortalyǵy.
«Keremet» kesheninde stýdentter qajetti qujattaryn resimdeýge, zańgerler men bilikti mamandardyń keńesine júginýge, qyzmetke ornalasý úshin qujat tapsyrýǵa, tipti, meditsinalyq kómek, internet-kafe, ushaq jáne temirjol kassalary, kinoteatr, shaǵyn sýpermarket sekildi asa qajetti qyzmettiń barlyq túrine qol jetkize alady.
Ortalyqtyń infraqurylymy 7300 sharshy m. ornalasqan jáne 8 pavilonnan jáne 5 sektor men bólimderden turady.Kópfýnktsionaldyq sektorlardyń biri «bir tereze» qaǵidasy boiynsha jumys atqaratyn oqý sektory. Munda stýdentter men oqytýshy-professor quramy úshin kelesi bólimder qyzmet usynady: stýdenttik, halyqaralyq, tirkeýshi keńsesi, pasport ústeli jáne qarjy qyzmeti.Sonymen qatar,ortalyqqa dárigerler quramy da jasaqtalǵan. Em sharalaryn terapevt, bala dárigeri, oftalmolog, otorinolaringolog, nevropatolog, ýrolog, akýsher-ginekolog, gastroenterolog, kardiolog, synyqshy-ortoped dárigerler júrgizedi.Bilim alýshy jastar men oqytýshylar quramyna meditsinalyq tekserý úshin halyqaralyq Qazaqstan-Koreia diagnostikalyq ortalyǵy da ashylǵan bolatyn. Ýniversitetti aiaqtaǵannan keiin de stýdentter jumyspen qamtý máseleleri boiynsha «Keremet» ákimshilik, áleýmettik-turmystyq sektory mamandarynyń qoldaýyna júgine alady.Ortalyqta jastar saiasaty máselesi de óz sheshimin tapqan. Stýdenttik qoǵamdyq uiymdar jastar sektorynda túrli is-sharalar uiymdastyryp,ýaqyttaryn tiimdi paidalanýda.
Qazaq Ulttyq ýniversiteti óz aldyna bir qalashyq bolǵannan keiin, qara shańyraqtyń ishki sulýlyǵy da, tabiǵi kórinisi de stýdentter úshin taptyrmas demalys orny.Túrli jádigerlermen, músinder jáne arheologiialyq eskertkishtermen kómkerilgen ýniversitet búgingi zaman talabyna sai bilim ordasy.
Abikenov A.A
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý,eńbek quqyǵy kafedrasynyń dotsenti,z.ǵ.k.
Ómirtai Roza
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý,eńbek quqyǵy kafedrasynyń aǵa oqytýshysy,z.ǵ.k. advokat
