Astanada jedel járdem feldsheri Uldana Myrzýannyń qazasyna qatysty sot protsesinde sot tergeýin qaita jalǵastyrý týraly sheshim qabyldanyp, qylmystyq is prokýrorǵa joldandy, dep habarlaidy dalanews.kz.
Búgin, 1 qazanda Astana qalasynyń qylmystyq ister jónindegi aýdanaralyq sotynda Uldana Myrzýannyń ólimine qatysty is boiynsha kezekti sot otyrysy ótti. Bastapqyda sottalýshy, OSI tóraǵasy Sáýle Jubaniiazovanyń sońǵy sózi tyńdalýy tiis bolǵan.
Alaida jábirlenýshi taraptyń ókili Nursultan Orynbekov jańa ótinishhat túsirgen. Soǵan bailanysty sot sot tergeýin qaita bastaý týraly sheshim qabyldady.
Sot otyrysy barysynda jábirlenýshi tarap Jubaniiazovaǵa qatysty qylmystyq isti úidi salýshy jáne basqa da tulǵalarǵa qatysty isimen biriktirý máselesin qaraýdy surady.
Buǵan deiin Astana qalasynyń mamandandyrylǵan aýdanaralyq tergeý soty úidiń qurylysyna qatysy bar tulǵalarǵa qatysty qylmystyq isti toqtatý týraly sheshimdi joiǵan. Osydan keiin atalǵan óndiristi Jubaniiazovaǵa qatysty ispen biriktirý máselesi kóterildi.
Sýdia Merýert Abaevanyń aitýynsha, sot sheshim qabyldaý kezinde qurylys-tehnikalyq saraptamanyń qorytyndysyn da eskergen. Saraptamaǵa sáikes, ǵimarat qaptamasynyń qulaýyna konstrýktsiialyq aqaýlar men qurylys tehnologiiasynyń buzylýy sebep bolýy múmkin.
«Bul isti tek OSI tóraǵasy Sáýle Jubaniiazovanyń áreketterin baǵalaý arqyly qaraýǵa bolmaidy. Qolda bar qurylys-tehnikalyq saraptama qorytyndysynda apattyń birneshe yqtimal sebebi, onyń ishinde konstrýktsiialyq kemshilikter men qurylys tehnologiiasynyń buzylýy kórsetilgen. Sondyqtan apattyq jaǵdaidyń týyndaýyna qatysy bolýy múmkin barlyq tulǵanyń áreketine tiisti quqyqtyq baǵa berilýi tiis», – dedi sýdia Merýert Abaeva.
Sottyń pikirinshe, ǵimarattyń qiraýyna qatysty barlyq mán-jai keshendi túrde zerttelip, oqiǵaǵa qatysy bar tulǵalardyń áreketine quqyqtyq baǵa berilýi qajet.
«Jubaniiazovaǵa qatysty isti jeke qaraý ázirge erte», – dep atap ótti sýdia.
Osyǵan bailanysty sot jábirlenýshi taraptyń ótinishin qanaǵattandyryp, qylmystyq isti prokýrorǵa joldady. Endi prokýror Jubaniiazovaǵa qatysty isti úidi salýshy jáne basqa da tulǵalarǵa qatysty qylmystyq ispen biriktirý máselesin sheshedi.
Sot bul sheshim eshkimniń kinási anyqtaldy degendi bildirmeitinin arnaiy atap ótti.
«Osy qaýlymen Jubaniiazovanyń nemese basqa tulǵalardyń kinási týraly másele sheshilgen joq. Is óndiristerdi biriktirý jáne bolǵan qaiǵyly oqiǵanyń mán-jailaryn tolyq tergeý máselesin sheshý úshin prokýrorǵa joldandy», – dep túsindirdi Merýert Abaeva.
Sáýle Jubaniiazovaǵa qatysty eshqaida ketpeý jáne tiisti minez-qulyq týraly qolhat túrindegi bultartpaý sharasy ózgerissiz qaldy.
Eske salaiyq, tragediia 2025 jylǵy 8 qarashada Astanada bolǵan. Turǵyn úidiń fasadyndaǵy qaptama qulaǵan kezde oqiǵa ornyna jedel járdem brigadasy kelgen. Zardap shekkenderge kómek kórsetý kezinde Uldana Myrzýan aýyr jaraqat alyp, keiin aýrýhanada qaitys bolǵan.
