Бұл біріншіден университеттің ішкі құрылымына байланысты. Сонымен қатар, ҚазҰУ әлемдегі ең озық технологиялық 50 университеттің бірі. Белгілі «GreatValueColleges» халықаралық ұйымының рейтингінде қазақстандық университет ТМД елдерінің ғана емес, сонымен қатар Шығыс және Орталық Еуропаның жалғыз өкілі болып табылады. ҚазҰУ-дың тағы бір керемет жетістігі «Керемет» студенттерге қызмет көрсету орталығы.
«Керемет» кешенінде студенттер қажетті құжаттарын ресімдеуге, заңгерлер мен білікті мамандардың кеңесіне жүгінуге, қызметке орналасу үшін құжат тапсыруға, тіпті, медициналық көмек, интернет-кафе, ұшақ және теміржол кассалары, кинотеатр, шағын супермаркет секілді аса қажетті қызметтің барлық түріне қол жеткізе алады.
Орталықтың инфрақұрылымы 7300 шаршы м. орналасқан және 8 павильоннан және 5 сектор мен бөлімдерден тұрады.Көпфункциональдық секторлардың бірі «бір терезе» қағидасы бойынша жұмыс атқаратын оқу секторы. Мұнда студенттер мен оқытушы-профессор құрамы үшін келесі бөлімдер қызмет ұсынады: студенттік, халықаралық, тіркеуші кеңсесі, паспорт үстелі және қаржы қызметі.Сонымен қатар,орталыққа дәрігерлер құрамы да жасақталған. Ем шараларын терапевт, бала дәрігері, офтальмолог, оториноларинголог, невропатолог, уролог, акушер-гинеколог, гастроэнтеролог, кардиолог, сынықшы-ортопед дәрігерлер жүргізеді.Білім алушы жастар мен оқытушылар құрамына медициналық тексеру үшін халықаралық Қазақстан-Корея диагностикалық орталығы да ашылған болатын. Университетті аяқтағаннан кейін де студенттер жұмыспен қамту мәселелері бойынша «Керемет» әкімшілік, әлеуметтік-тұрмыстық секторы мамандарының қолдауына жүгіне алады.Орталықта жастар саясаты мәселесі де өз шешімін тапқан. Студенттік қоғамдық ұйымдар жастар секторында түрлі іс-шаралар ұйымдастырып,уақыттарын тиімді пайдалануда.
Қазақ Ұлттық университеті өз алдына бір қалашық болғаннан кейін, қара шаңырақтың ішкі сұлулығы да, табиғи көрінісі де студенттер үшін таптырмас демалыс орны.Түрлі жәдігерлермен, мүсіндер және археологиялық ескерткіштермен көмкерілген университет бүгінгі заман талабына сай білім ордасы.
Абикенов А.А
әл-Фараби атындағы ҚазҰУ-дың заң факультеті азаматтық құқық және азаматтық іс жүргізу,еңбек құқығы кафедрасының доценті,з.ғ.к.
Өміртай Роза
әл-Фараби атындағы ҚазҰУ-дың заң факультеті азаматтық құқық және азаматтық іс жүргізу,еңбек құқығы кафедрасының аға оқытушысы,з.ғ.к. адвокат
