سينوپتيكتەر ءۇش كۇنگە ارنالعان اۋا رايى بولجامىن جاريالادى، دەپ حابارلايدى Dalanews.kz.
قازاقستان اۋماعىنىڭ باسىم بولىگىنە انتيسيكلون اسەر ەتەدى، وسىلايشا جاۋىن-شاشىن جاۋمايدى. باتىس، وڭتۇستىك، وڭتۇستىك-شىعىس وڭىرلەردە عانا جاڭبىر مەن قار جاۋادى. بۇل وڭىرلەردە بوران سوعىپ، كوكتايعاق بولادى.
31 قاڭتاردا تۇركىستان وبلىسىنىڭ تاۋلى جەرلەرىندە قاتتى جاۋىن-شاشىن (جاڭبىر، قار) جاۋادى. رەسپۋبليكا بويىنشا تۇمان ءتۇسىپ، جەل كۇشەيەدى.
"رەسپۋبليكانىڭ بارلىق اۋماعىندا اۋا تەمپەراتۋراسى بىرتىندەپ جوعارىلايدى. 31 قاڭتاردا كۇندىز باتىس، وڭتۇستىك جانە وڭتۇستىك-شىعىس وڭىرلەردە -5°س-تان +5°س-قا دەيىن، ال سولتۇستىك-باتىستا، سولتۇستىكتە، شىعىستا، ورتالىقتا -2°س-تان -10°س-قا دەيىن جەتەدى"، - دەدى سينوپتيكتەر.
