19 ناۋرىزدان بەرى ب ا ق بەتتەرى مەن تەلەگرام ارنالار ىشكى ىستەر ءمينيسترىن باسقارعان ەرلان تۇرعىمبايەۆقا قاتىستى قىلمىستىق ءىس قوزعالعانىن جارىسا جازىپ جاتىر. ءىس قاڭتار وقيعاسىنا قاتىستى ەكەنى ايتىلدى. ال بۇگىن باس پروكۋراتۋرا جەلىدە تاراعان اقپاراتتارعا قاتىستى تۇسىنىك بەردى، - دەپ حابارلايدى Dalanews.kz.
بۇعان دەيىن ىشكى ىستەر مينيسترلىگىن باسقارىپ وتىرعان ەرجان سادەنوۆ تۇرعىمبايەۆقا قاتىستى قىلمىستىق مينيسترلىكتىڭ قۇزىرىندا ەمەس ەكەنىن ايتقان بولاتىن. وسىلايشا تۇرعىمبايەۆقا قاتىستى قىلمىستىق ءىس قوزعالعانى راستالعانداي بولدى.
«بۇل ءىستى ىشكى ىستەر مينيسترلىگى تەرگەپ جاتقان جوق. سوندىقتان قانداي ءىس، قانداي باپ بويىنشا ءىس ءجۇرىپ جاتقانىنا پىكىر بىلدىرە المايمىن»، - دەگەن ەدى سادەنوۆ ءماجىلىس كۋلۋارىندا.
ءبىراق ارتىنشا باس پروكۋراتۋرا ەرلان تۇرعىمبايەۆتى جانە پوليسيا ورگاندارىنىڭ باسقا دا باسشىلارىن قىلمىستىق قۋدالاۋ تۋرالى ءتۇرلى تەلەگرام-ارنالاردا تاراتىلعان اقپاراتقا قاتىستى پىكىر ءبىلدىردى.
ۆەدومستۆو مالىمەتىنشە، 2022 جىلدىڭ باسىنان باستاپ باس پروكۋراتۋرا قاڭتار وقيعالارى كەزەڭىندە قۇقىقتىق ءتارتىپ پەن قاۋىپسىزدىكتى قامتاماسىز ەتپەۋگە، سونداي-اق ازاماتتارعا ازاپتاۋدى قولدانۋعا بايلانىستى كۇش ورگاندارىنىڭ قىزمەتكەرلەرىنە قاتىستى تەرگەپ-تەكسەرۋلەردى ءالى دە جالعاستىرىپ جاتىر. ولاردى جاساعانى ءۇشىن سوتتارمەن وبلىستىق پوليسيا جانە ۇلتتىق قاۋىپسىزدىك ورگاندارىنىڭ ءبىرقاتار باسشىلارى مەن قىزمەتكەرلەرى سوتتالعان.
باس پروكۋراتۋرانىڭ بۇگىنگى مالىمەتى بويىنشا، جۇرگىزىلىپ جاتقان تەرگەپ-تەكسەرۋلەر بارىسىندا ىشكى ىستەر ەكس-مينيسترى ەرلان تۇرعىمبايەۆتان دا جاۋاپ الىنعان. وسىلايشا باس پروكۋراتۋرا ەرلان تۇرعىمبايەۆقا قاتىستى قىلمىستىق ءىس قوزعالعانى تۋرالى اقپاراتتى تەرىسكە شىعارعانداي بولدى.
تۇرعىمبايەۆ جانە قاڭتار وقيعاسى
بىلتىر قاڭتاردا باس پروكۋرور بەرىك اسىلوۆ 20 مىڭ تەرروريست سول كۇيى تابىلماعانىن ايتقان بولاتىن. ال ونىڭ الدىندا 2022 جىلعى 9 قاڭتاردا قازاقستان رەسپۋبليكاسىنىڭ بۇرىنعى ىشكى ىستەر ءمينيسترىنىڭ مىندەتىن اتقارۋشى بولعان ەرلان تۇرعىمبايەۆ قاڭتارداعى تارتىپسىزدىكتەر كەزىندە الماتىعا 20 مىڭعا جۋىق لاڭكەس كەلگەنىن حابارلاعان ەدى.
كەيىننەن قاڭتار وقيعاسىنان كەيىن جاپپاي تارتىپسىزدىكتەردى ۇيىمداستىردى دەپ ايىپتالعان پولكوۆنيك رۋسلان ىسقاقوۆ ەرلان تۇرعىمبايەۆ شىنايى فاكتىلەردى بۇرمالاپ، ءوز جاۋاپكەرشىلىگىنەن جالتارىپ، جاپپاي تارتىپسىزدىكتەردى ۇيىمداستىرۋشى رەتىندە ارمان جۇماگەلدييەۆتى كورسەتكەنىن ايتتى.
«بۇل ويعا قونىمسىز جانە مۇمكىن ەمەس نارسە: ول قازاقستانعا 2021 جىلدىڭ 17 جەلتوقسانىندا قىزىنىڭ دەنساۋلىق جاعدايىنا بايلانىستى عانا كەلسە، ول نەنى، قالاي ۇيىمداستىرىپ ۇلگەرەدى؟ ودان بولەك، 2017-2021 جىلدارى قازاقستانعا ءار كەلگەنىن ىىم-مەن ماقۇلداپ وتىراتىن. سوڭعى كەلگەنىن دە جۇماگەلدييەۆ تۇرعىمبايەۆپەن ماقۇلداپ، وعان دالەل رەتىندە 2021 جىلى 17 جەلتوقساندا سويلەسكەندەرىن كورسەتۋگە بولادى»، - دەدى پولكوۆنيك رۋسلان ىسقاقوۆ.
ودان بولەك، ەرلان تۇرعىمبايەۆ "ديكيي ارماننىڭ" قاڭتاردا قازاقستانعا ەركىن كىرۋىن قامتاماسىز ەتكەن دەگەن اقپارات تارادى.
"تاعى ءبىر ماڭىزدى فاكت: تۇرعىمبايەۆ "ديكيي ارماننىڭ" قاڭتاردا قازاقستانعا ەمىن-ەركىن كىرۋىنە جاردەمدەسكەن جانە مەملەكەت باسشىسىنا سول تۇستاعى احۋال تۋرالى تەرىس اقپارات بەرگەن. نەگە ەكەنى، ىسقاقوۆ الماتىدا قارۋ-جاراق ارسەنالى ساقتالعان جانە تارتىپسىزدىككە قارسى شتاب بولعان ءىىد عيماراتى باسىپ الىنعانى تۋرالى ءسوز قوزعامايدى. ىسقاقوۆ بۇل تۋرالى ايتپاۋدى ءجون كورەدى. ءبىراق تايمەردەنوۆ اۋەجايدى باسىپ الۋعا قاتىسقان كەيبىر ادامداردى بوساتىپ جىبەرگەنىن باسىپ ايتادى.
اۋەجايدى باسىپ الۋعا قاتىستى دا بولەك توقتالۋعا بولادى. ىسقاقوۆ اۋەجاي باسىپ الىنعاننان كەيىن كەلگەن جۇمباق بورت تۋرالى، ول بورت ارتىنشا بىشكەككە بوس بولىپ ۇشىپ كەتكەنى تۋرالى ايتپايدى. سونىمەن قاتار، ول بورت الماتىعا 10 رەت ۇشىپ كەلگەنىن، ارتىنان مۇلدە كورىنبەگەنى تۋرالى ايتپاعان. شەكارا ۇقك باقىلاۋىندا ەكەنىن ەسكەرسەك، قازاقستانعا قاڭتار وقيعاسىن باقىلاۋعا العان راديكالدار ۇشىپ كەلۋى دە عاجاپ ەمەس"، - دەلىنگەن تەلەگرامدا تاراعان اقپاراتتا.
