قاڭتار وقيعاسىنا قاتىسى بار "قالاۋلىم" جۇلدىزى بەرداح بەكەتوۆ سوتتالدى, دەپ حابارلايدى Dalanews.kz.
سوت ٷكٸمٸمەن بەرداح بەكەتوۆ 7 جىلعا سوتتالدى. بەكەتوۆكە بٸرنەشە باپ بويىنشا ايىپ تاعىلدى.
بۇعان دەيٸن بەرداح بەكەتوۆ توقاەۆتان اراشا سۇراعان بولاتىن.
"مەن قر ازاماتى بەكەتوۆ ب. د ەربٸر قر ازاماتىنىڭ تاعدىرى سٸزدٸڭ قولىڭىزدا, ٶيتكەنٸ سٸز قر كونستيتۋتتسيياسىنىڭ گرانتى بولىپ تابىلاسىز. سول ٷشٸن سٸزگە حات جازۋعا بەل بۋدىم.
مەن قازاقتىڭ قاراپايىم قارا بالاسىمىن, ەلٸمنٸڭ ەلدٸگٸن ويلاعان. تٷرمەدە وتىرعانىما 40 كٷن بولدى. بٸراق مەنٸ اقتايتىن بٸردە-بٸر دەلەل قوسىپ جاتقان جوق. تٷرمەگە تٷسكەننەن سوڭ, دەنساۋلىعىمنان ايرىلدىم. بٷيرەگٸمە سۋىق تيٸپ, قوزعالۋىم باياۋلاپ جاتىر. 20-شى كٷنٸم تٷرمەدە ٶلٸممەن ارپالىسۋ بولدى, اياق استى قۇلاپ, ەسٸمنەن تانىپ تٸلٸمدٸ جوعالتتىم بٸر جۇما. كەشە, ياعني 01.03.2022 كٷنٸ تاعى ەسٸمنەن تانىپ قالدىم. ٶز اياعىممەن كٸرگەن تٷرمەدەن تابىتپەن شىعاتىندايمىن. سٸز مەنٸڭ بار ەكەنٸمدٸ دە بٸلمەيتٸن شىعارسىز. بٸراق, قارا قازاقپەن يىققا يىق تيگٸزٸپ جٷرگەن ۇلمىن.
يە مەن الاڭعا شىقتىم, بٸراق اشىق تۇرعان دٷكەندٸ تونامادىم, جەردە جاتقان قارۋدى المادىم, ەسكەردٸ ساباعانىم جوق. الاڭعا شىققان سەبەبٸم, ەلگە باسۋ ايتۋ, جاماندىقتان ساقتاۋ بولدى. الاڭعى شىقتى ەكەن دەپ قاماپ تاستاساڭىز, مەن ەلٸ كٶرە الماعان بالامنىڭ تاعدىرى نە بولماق? حالىق سۇراسا حان سوڭعى تٷيەسٸن سويادى دەيدٸ. مەن حالىقتىڭ بٸر بالاسىمىن. بوستاندىق بەرٸڭٸز… ", - دەپ بەرداح بەكەتوۆ حاتتا پرەزيدەنتتەن اراشا سۇراعان.
