كەيبىر پىكىرلەر پارلامەنتتە شەتتەن كەلگەن قازاق وتىرسا شەتتەگى اعايىننىڭ جاعدايىن جەتە ءبىلىپ، تاۋەلسىزدىكتەن كەيىنگى كوشتىڭ ەكىنشى تولقىنى ءساتتى جۇرىلۋىنە سەپتىگى تيەدى دەگەنگە سايادى. مۇنى تەرىس دەمەيمىن، ءبىراق نەگىزگىسى ول ەمەس. سول شەتتەن كەلگەن اعايىنداردى وسىندا اكەلۋگە زاڭ جاساپ، بەلگىلى جۇيە قويىپ، مۇندا كەلۋىنە سەبەپ بولعان وسىنداعى، اتاجۇرتتاعى ازاماتتار ەمەس پە؟! سوندىقتان «شەتتەن كەلگەن اعايىننىڭ جاعدايىن شەتتەن كەلگەن اعايىن تۇسىنەدى، پروبلەماسىن شەشەدى» دەگەندەي جاڭساق تۇسىنىك بولماۋى كەرەك. ال، قولىندا بيلىگى بولماسا دا، قازاقستان رەسپۋبليكاسىنىڭ ءبىر ازاماتى رەتىندە كوشى-قون ماسەلەسىنە اتسالىسىپ جۇرگەن شەتەلدەن كەلگەن ازامماتتار از ەمەس. ول جانە زاڭدى دا. بۇل ءتىپتى ۇلتقا قىزمەت قىلۋعا اركىمنىڭ قولىندا بيلىك بولۋى شارت ەمەس ەكەنىن دە تۇسىندىرەدى.
كورمەگەن جەردىڭ ويلى-شۇڭقىرى كوپ دەگەندەي، وسىندا كەلمەگەن، كەلگىسى كەلەتىن قازاقتىڭ كوكەيىندە «بارعاندا قالاي بولار ەكەن؟ بىزدەن بۇرىن بارعاندار نە ىستەپ ءجۇر؟» دەگەندەي ساۋالدار تۋىندايتىنى زاڭدىلىق قوي، سوندا ول ساۋالعا ەڭ ءبىرىنشى جاۋاپ بەرەتىن وزدەرىنەن بۇرىن وسىندا كەلگەن اعايىندارىنىڭ الەۋمەتتىك جاعدايى، ياعني، ساياسي، ەكونوميكالىق، رۋحانيات سالالارىنداعى ورىنى.
پارلامەنتتە شەتتەن كەلگەن ازاماتتاردىڭ وتىرۋى (ەگەر ول شىنىمەن ۇلتقا جاناشىر، بىلىكتى، ىسكەر بولسا) جالپى قازاققا پايدالى ءىس بولار ەدى. پارلامەنت قانا ەمەس، قانداستاردىڭ ءقايبىر سالاعا بولسىن قىزمەتكە كىرىسۋى ەكى قازاقتىڭ بىر-بىرىنە ءسىڭىسۋى دەگەن ءسوز. بۇدان تەك قانا پايدا بار. شەتتەن كەلگەن قازاقتىڭ وسى جاقتا ابىرويلى ءىس اتقارىپ، بيىك ساحنالار مەن مىنبەرلەردە جۇرگەنى – سىرتتاعى اعايىننىڭ اتاجۇرتقا اعىلۋىنا قامشى بولاتىنىن كوزىمىزبەن كورىپ جۇرگەن شىندىق. كورمەگەن جەردىڭ ويلى-شۇڭقىرى كوپ دەگەندەي، وسىندا كەلمەگەن، كەلگىسى كەلەتىن قازاقتىڭ كوكەيىندە «بارعاندا قالاي بولار ەكەن؟ بىزدەن بۇرىن بارعاندار نە ىستەپ ءجۇر؟» دەگەندەي ساۋالدار تۋىندايتىنى زاڭدىلىق قوي، سوندا ول ساۋالعا ەڭ ءبىرىنشى جاۋاپ بەرەتىن وزدەرىنەن بۇرىن وسىندا كەلگەن اعايىندارىنىڭ الەۋمەتتىك جاعدايى، ياعني، ساياسي، ەكونوميكالىق، رۋحانيات سالالارىنداعى ورىنى. قۇدايعا شۇكىر، شەتتەن كەلگەن قازاقتار رۋحاني، ەكونوميكا سالالارىندا ءوز ۇلەستەرىن قوسىپ كەلەدى، ساياسي جاعىنان دا ساياق ءجۇر دەي المايمىز. دەسە دە، تاۋەلسىزدىكتىڭ 25 جىلدىعىنا قادام باسقان وسى ءبىر ايرىقشا اتاۋلى ساتتە سىرتتان كەلگەن اعايىندارىمىز دا پارلامەنتتەگى قاسقا-جايساڭ، حالىق قالاۋلىلارىمەن تىزە قوسا وتىرىپ، ۇلتقا، مەملەكەتكە قىزمەت ىستەسە، تىپتەن جاقسى بولار ەدى. بۇل ءبىر جاعىنان ەلباسىنىڭ قولىنان ەڭ العاشقى ازاماتتىقتى العان حاليفا التاي اتامىزدان بەرگى اتاجۇرتتى قونىس قىلعان اعايىندار مەن سىرتتاعى بەس ميلليون قازاققا سەنىم مەن قۇرمەت، سەرپىن مەن مىندەت بولار ەدى. جانە بۇگىنگى كۇننىڭ قاجەتى دە.
ۇلاربەك نۇرعالىم ۇلى، اقىن
