Keibir pikirler Parlamentte shetten kelgen qazaq otyrsa shettegi aǵaiynnyń jaǵdaiyn jete bilip, Táýelsizdikten keiingi kóshtiń ekinshi tolqyny sátti júrilýine septigi tiedi degenge saiady. Muny teris demeimin, biraq negizgisi ol emes. Sol shetten kelgen aǵaiyndardy osynda ákelýge zań jasap, belgili júie qoiyp, munda kelýine sebep bolǵan osyndaǵy, Atajurttaǵy azamattar emes pe?! Sondyqtan «shetten kelgen aǵaiynnyń jaǵdaiyn shetten kelgen aǵaiyn túsinedi, problemasyn sheshedi» degendei jańsaq túsinik bolmaýy kerek. Al, qolynda biligi bolmasa da, Qazaqstan Respýblikasynyń bir azamaty retinde kóshi-qon máselesine atsalysyp júrgen shetelden kelgen azammattar az emes. Ol jáne zańdy da. Bul tipti ultqa qyzmet qylýǵa árkimniń qolynda bilik bolýy shart emes ekenin de túsindiredi.
Kórmegen jerdiń oily-shuńqyry kóp degendei, osynda kelmegen, kelgisi keletin qazaqtyń kókeiinde «Barǵanda qalai bolar eken? Bizden buryn barǵandar ne istep júr?» degendei saýaldar týyndaityny zańdylyq qoi, sonda ol saýalǵa eń birinshi jaýap beretin ózderinen buryn osynda kelgen aǵaiyndarynyń áleýmettik jaǵdaiy, iaǵni, saiasi, ekonomikalyq, rýhaniiat salalaryndaǵy oryny.
Parlamentte shetten kelgen azamattardyń otyrýy (eger ol shynymen ultqa janashyr, bilikti, isker bolsa) jalpy qazaqqa paidaly is bolar edi. Parlament qana emes, qandastardyń qaibir salaǵa bolsyn qyzmetke kirisýi eki qazaqtyń bir-birine sińisýi degen sóz. Budan tek qana paida bar. Shetten kelgen qazaqtyń osy jaqta abyroily is atqaryp, biik sahnalar men minberlerde júrgeni – syrttaǵy aǵaiynnyń atajurtqa aǵylýyna qamshy bolatynyn kózimizben kórip júrgen shyndyq. Kórmegen jerdiń oily-shuńqyry kóp degendei, osynda kelmegen, kelgisi keletin qazaqtyń kókeiinde «Barǵanda qalai bolar eken? Bizden buryn barǵandar ne istep júr?» degendei saýaldar týyndaityny zańdylyq qoi, sonda ol saýalǵa eń birinshi jaýap beretin ózderinen buryn osynda kelgen aǵaiyndarynyń áleýmettik jaǵdaiy, iaǵni, saiasi, ekonomikalyq, rýhaniiat salalaryndaǵy oryny. Qudaiǵa shúkir, shetten kelgen qazaqtar rýhani, ekonomika salalarynda óz úlesterin qosyp keledi, saiasi jaǵynan da saiaq júr dei almaimyz. Dese de, Táýelsizdiktiń 25 jyldyǵyna qadam basqan osy bir airyqsha ataýly sátte syrttan kelgen aǵaiyndarymyz da parlamenttegi qasqa-jaisań, halyq qalaýlylarymen tize qosa otyryp, ultqa, memleketke qyzmet istese, tipten jaqsy bolar edi. Bul bir jaǵynan Elbasynyń qolynan eń alǵashqy azamattyqty alǵan Halifa Altai atamyzdan bergi atajurtty qonys qylǵan aǵaiyndar men syrttaǵy bes million qazaqqa senim men qurmet, serpin men mindet bolar edi. Jáne búgingi kúnniń qajeti de.
Ularbek Nurǵalymuly, aqyn
