قۋاندىق بيشىمبايەۆ سوتقا شاعىم ءتۇسىردى. بۇعان مەكەمە باسشىلىعىنىڭ وعان جەڭىلدىك جاساماۋى سەبەپ بولعان، - دەپ حابارلايدى Dalanews.kz.
قىلمىستىق-اتقارۋ جۇيەسى كوميتەتى باسپا ءسوز قىزمەتىنىڭ حابارلاۋىنشا، قولدانىستاعى زاڭناماعا سايكەس، سوتتالعاندارعا جازانى وتەۋ ءتارتىبىن بۇزعان جاعدايدا كوتەرمەلەۋ شارالارى قولدانىلمايدى.
"بۇل سوتتالۋشى ءبىر رەت زاڭ بۇزعانىن ەسكەرە وتىرىپ، سوت سوتتالۋشىنىڭ شاعىمىن قاناعاتتاندىرمادى"، - دەپ حابارلادى ۆەدومستۆونىڭ باسپا ءسوز قىزمەتى.
الايدا بيشىمبايەۆتىڭ قانداي زاڭ بۇزعانى ايتىلمادى.
ايتا كەتەيىك، بيىل 26 ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىستىڭ اپەللياسيالىق سوت وتىرىسى بولعان ەدى. الايدا ولاردىڭ اپەللياسيالىق ءوتىنىشى قاناعاتتاندىرىلمادى.
قۋاندىق بيشىمبايەۆ 24 جىلعا، ءىنىسى باقىتجان بايجانوۆ 4 جىلعا سوتتالعان بولاتىن.
ايەلىن ولتىرگەنى ءۇشىن 24 جىلعا قاماۋعا الىنعان قۋاندىق بيشىمبايەۆ ەڭ جوعارى قاۋىپسىزدىك مەكەمەسىندە جازاسىن وتەپ جاتىر.
بۇعان دەيىن قاجك وكىلدەرى كولونيادا ەكس-مينيستر ءۇشىن قولايلى ورىن ءالى بوس ەمەس ەكەنىن، سوندىقتان جۇمىسقا تۇرماعانىن مالىمدەدى.
