قالىبەك (قاليبەك) قۋانىشبايەۆ (1893-1968 ج.) – اكتەر، قازاق ۇلتتىق كاسىبي تەاتر ونەرىنىڭ نەگىزىن قالاۋشىلاردىڭ ءبىرى، كسرو حالىق ءارتيسى (1959 ج.)، كسرو مەملەكەتتىك سىيلىعىنىڭ لاۋرەاتى (1952 ج.). قازاق كاسىبي ساحنا ونەرىنىڭ ابىزى، ءجۇز ەلۋگە جۋىق رول ويناپ، وشپەس ءىزىن، ۇمىتىلماس ونەگەسىن قالدىردى. ساحنا ونەرىنىڭ قاليبەك قۋانىشبايەۆ شىققان ەڭ بيىك شىڭى – م.اۋەزوۆ پەن ل.سوبوليەۆتىڭ پەساسىنداعى قازاقتىڭ كەمەڭگەر اقىنى اباي ءرولى بولدى.

قازاق ونەرىندە اتى التىن ارىپتەرمەن جازىلعان ق.قۋانىشبايەۆ كينوداعى رولدەرىمەن قازاق كينەماتوگرافياسىنا دا ءوز ۇلەسىن قوستى.

تەاتر ساحناسىنان ءار جىلدارى قاليبەك قۋانىشبايەۆ، قاپان بادىروۆ، مۇلىك سۇرتىبايەۆ، ىدىرىس نوعايبايەۆ سومداعان اباي وبرازىن، بۇگىنگى كورەرمەننىڭ ورىنداۋىندا كورىپ ءجۇر.

2010 جىلدىڭ 26 ماۋسىمىندا قازاقستاننىڭ حالىق ءارتيسى، پروفەسسور ەسمۇحان وبايەۆتىڭ رەجيسسۋراسىمەن حالىق نازارىنا ۇسىنىلعان سپەكتاكلدىڭ قويىلىم توبى:

كومپوزيتورى – ع.جۇبانوۆا، كسرو حالىق ءارتيسى، پروفەسسور

قويۋشى – سۋرەتشىسى – ە.تۇياقوۆ، ق ر ەڭبەك سىڭىرگەن ونەر قايراتكەرى

حورمەيستەر – ع.ەرەكەشيەۆ

كونسەرتمەيستەر – ل.الدياروۆا

رەجيسسەردىڭ اسسيستەنتى – ە.ءبىلال، ق ر ەڭبەك سىڭىرگەن قايراتكەرى

رەجيسسەردىڭ كومەكشىسى – ب.ابدىكوۆ