اتىراۋ وبلىسىندا بٸر وتباسىنىڭ تٶرت مٷشەسٸن ٶلتٸردٸ دەپ ايىپتالعان سۇلتان سارسەماليەۆكە قاتىستى سوت پروتسەسٸندە تاراپتاردىڭ جارىسسٶزٸ باستالدى. مەملەكەتتٸك ايىپتاۋشى سوتتان ايىپتالۋشىنى كٸنەلٸ دەپ تانىپ, وعان ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇرادى.
رەزونانس تۋدىرعان ٸس اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالىپ جاتىر. سوتتالۋشى سۇلتان سارسەماليەۆ بۇرىنعى جۇبايى اقبايان مۇقانعاليەۆانىڭ اتا-اناسىن, اعاسى مەن قارىنداسىن ٶلتٸردٸ دەپ ايىپتالۋدا. قايعىلى وقيعا 2025 جىلدىڭ سوڭىندا اتىراۋ وبلىسى جانگەلدين اۋىلىندا بولعان.
سوت جارىسسٶزٸ كەزٸندە پروكۋرور سارسەماليەۆتٸ قىلمىستىق كودەكستٸڭ بٸرنەشە بابى بويىنشا كٸنەلٸ دەپ تانۋدى سۇرادى. مەملەكەتتٸك ايىپتاۋشىنىڭ ايتۋىنشا, سوتتالۋشىعا تٷپكٸلٸكتٸ جازا رەتٸندە ٶمٸر بويىنا باس بوستاندىعىنان ايىرۋ جازاسى تاعايىندالۋى كەرەك.
«قىلمىستىق كودەكستٸڭ 58-بابى 4-بٶلٸگٸ نەگٸزٸندە سارسەماليەۆ سۇلتان ساميگوللاۇلىنا تٷپكٸلٸكتٸ جازا رەتٸندە ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇرايمىن», – دەدٸ پروكۋرور سوتتا.
ايىپتاۋشى تاراپ جازانى تٶتەنشە قاۋٸپسٸزدٸك مەكەمەسٸندە ٶتەۋدٸ ۇسىندى.
سۇلتان سارسەماليەۆكە بٸرنەشە اۋىر ايىپ تاعىلعان. اتاپ ايتقاندا, ول ەكٸ نەمەسە ودان دا كٶپ ادامدى ٶلتٸرۋ, كٸنەلٸگە دەرمەنسٸز كٷيدە ەكەنٸ بەلگٸلٸ ادامدى ٶلتٸرۋ, اسا قاتىگەزدٸكپەن كٸسٸ ٶلتٸرۋ, پايداكٷنەمدٸك نيەتپەن, قاراقشىلىقپەن نەمەسە قورقىتىپ الۋمەن ۇشتاسقان ادام ٶلتٸرۋ, سونداي-اق بٸرنەشە رەت جاسالعان كٸسٸ ٶلتٸرۋ بويىنشا ايىپتالۋدا.
بۇدان بٶلەك, وعان ٸرٸ مٶلشەردە ۇرلىق جاساۋ, ٸرٸ مٶلشەردە الاياقتىق, مال ۇرلىعى جەنە قۇجاتتاردى زاڭسىز يەلەنۋ, جويۋ, بٷلدٸرۋ نەمەسە جاسىرۋ باپتارى بويىنشا دا ايىپ تاعىلعان.
پروكۋرور سوتتان سارسەماليەۆتەن جەبٸرلەنۋشٸلەرگە ٶتەماقى قورىنا 30 ايلىق ەسەپتٸك كٶرسەتكٸش, ياعني 129 750 تەڭگە ٶندٸرٸپ الۋدى سۇرادى. سونداي-اق 2 512 128 تەڭگە كٶلەمٸندەگٸ پروتسەسسۋالدىق شىعىنداردى ٶندٸرۋ جەنە ونىڭ قاماۋدا ۇستاۋ تٷرٸندەگٸ بۇلتارتپاۋ شاراسىن ٶزگەرٸسسٸز قالدىرۋ ۇسىنىلدى.
سونىمەن قاتار مەملەكەتتٸك ايىپتاۋشى جەبٸرلەنۋشٸلەردٸڭ ماتەريالدىق جەنە مورالدىق شىعىندى ٶتەۋ تۋرالى ازاماتتىق تالاپتارىن قاناعاتتاندىرۋدى سۇرادى.
ال سارسەماليەۆتٸڭ ٶزٸ ناۋرىز مۇقانعاليەۆتٸ قاساقانا ٶلتٸرۋ ەپيزودى بويىنشا كٸنەسٸن مويىنداماعان.
سوت جارىسسٶزٸ اياقتالعاننان كەيٸن ايىپتالۋشىعا سوڭعى سٶز بەرٸلەدٸ. بۇدان سوڭ سوت ٷكٸم شىعارۋ ٷشٸن كەڭەسۋ بٶلمەسٸنە كەتەدٸ.
