اقتٶبە وبلىسىندا سارىبۇلاق جەراستى سۋ كەن ورنىنان تارتىلاتىن توپتىق سۋ قۇبىرىنىڭ قۇرىلىسىنا ارناۋلى مەملەكەتتٸك قوردان 5 ملرد تەڭگە بٶلٸندٸ, دەپ حابارلايدى dalanews.kz.
ٷكٸمەتتٸڭ مەلٸمەتٸنشە, جوبا اقتٶبە قالاسىنىڭ باتىس-1, باتىس-2 جەنە باتىس-3 تۇرعىن الاپتارىن اۋىز سۋمەن قامتاماسىز ەتۋگە باعىتتالعان. بۇل اۋدانداردا تۇرعىن ٷي قۇرىلىسى قارقىندى جٷرٸپ جاتقاندىقتان, كوممۋنالدىق جەلٸلەرگە تٷسەتٸن جٷكتەمە دە ارتىپ كەلەدٸ.
سارىبۇلاق جەراستى سۋ كەن ورنى اقتٶبە قالاسىنان 56 شاقىرىم جەردە ورنالاسقان. جوبا اياسىندا 20 ارتەزيان ۇڭعىماسىن بۇرعىلاۋ جەنە جابدىقتاۋ, توپتىق سۋ قۇبىرىن سالۋ, سونداي-اق تۇرعىن الاپتارعا ينجەنەرلٸك جەلٸلەر تارتۋ جوسپارلانعان. قۇرىلىس جۇمىستارى بيىل باستالادى.
نىسان پايدالانۋعا بەرٸلگەننەن كەيٸن تەۋلٸگٸنە قوسىمشا 70 مىڭ تەكشە مەترگە دەيٸن سۋ جەتكٸزۋ مٷمكٸندٸگٸ پايدا بولادى. بۇل اقتٶبە قالاسىنىڭ تۇرعىندارىن, سونداي-اق العا جەنە مۇعالجار اۋداندارىن تۇراقتى اۋىز سۋمەن قامتاماسىز ەتۋگە مٷمكٸندٸك بەرەدٸ.
ٷكٸمەتتٸڭ مەلٸمەتٸنشە, سارىبۇلاق كەن ورنىنداعى جەراستى سۋ قورى ٶڭٸردٸ الداعى 30 جىل بويى تۇراقتى سۋمەن قامتاماسىز ەتۋگە جەتكٸلٸكتٸ.
سونداي-اق ٷكٸمەت 2024-2026 جىلدارى ارناۋلى مەملەكەتتٸك قور قاراجاتى ەسەبٸنەن جالپى قۇنى 610 ملرد تەڭگەنٸ قۇرايتىن 500-دەن استام ەلەۋمەتتٸك جوبانى قارجىلاندىرۋ ماقۇلدانعانىن حابارلادى. ونىڭ ٸشٸندە 226,5 ملرد تەڭگەگە باعالانعان 267 جوبا سۋ ينفراقۇرىلىمىن دامىتۋعا باعىتتالعان.
