كەنتاۋ قالاسى مەن ونىڭ توڭىرەگىندەگى ەلدىمەكەندەردى تابيعي گازبەن قامتۋدا اتقارىلعان جانە جوسپارلى جۇمىستار جۇيەلى جۇرگىزىلۋدە.
بەينەۋ-بوزوي-شىمكەنت ماگيسترالدى گاز قۇبىرىنىڭ 1280 شاقىرىمىندا اۆتوماتتاندىرىلعان گاز تاراتۋ ستانسياسىنىڭ قۇرىلىسى اياقتالدى.
جوبالىق-سمەتالىق قۇنى 4 ملرد. 29 ملن. تەڭگەگە باعالانعان نىساندى جەڭىمپاز مەردىگەر كومپانيا 3 ملرد. 849 تەڭگەگە سالىپ بىتكەن. 2015 جىلى باستاۋىن العان قۇرىلىس وسىلايشا ەكى جىلدا اياقتالعان. قۇرىلىس بارىسىندا 53 شاقىرىمدى قۇرايتىن ماگيسترالدى جۇيە سالىنىپ، مەملەكەتتىك قابىلداۋدان ءوتتى.
قادىرحان تولەپبەرگەنوۆ، كەنتاۋ قالالىق ەنەرگەتيكا جانە تۇكش، جت جانە اج ءبولىمىنىڭ باسشىسى:
«كەنتاۋ قالاسىنىڭ اۋماعىندا قازىرگى تاڭدا گازداندىرۋ (ساقينالاۋ) جۇمىستارى جۇرگىزىلۋدە. ياعني، كوشە جولدارى قازىلىپ، پلاستيكالىق قۇبىرلار ورنالاستىرىلۋدا. حانتاعى اۋىلىن گازداندىرۋعا وبلىس بيۋدجەتتەن 30 ملن. تەڭگە ءبولىندى. كەنتاۋ مەن حانتاعىعا گاز بىر-ەكى جىلدا بەرىلىپ قالادى».
ءقازىر كەلىپ تۇرعان گازدى ۇيمە -ۇيگە تابيعي گازدى جەتكىزەتىن كوشەلەرگە گاز تاراتۋ قوسالقى قۇرىلعىلارىن ورنىقتىرۋ شارالارى اتقارىلۋدا. سونداي-اق، قارناق، قۇشاتا جانە بايىلدىردى گازداندىرۋعا جوبالىق- سمەتالىق قۇجاتتارى ازىرلەنۋ ۇستىندە. كەنتاۋ، بۇرگەم، حانتاعىعا گاز 2019-20 جىلى بەرىلسە، قالعان اۋىلدار تاعى ءبىر جىلدان كەيىن كوگىلدىر وتىنعا قول جەتكىزەدى.
