Kentaý qalasy men onyń tóńiregindegi eldimekenderdi tabıǵı gazben qamtýda atqarylǵan jáne josparly jumystar júıeli júrgizilýde.
Beıneý-Bozoı-SHymkent magıstraldy gaz qubyrynyń 1280 shaqyrymynda avtomattandyrylǵan gaz taratý stansıasynyń qurylysy aıaqtaldy.
Jobalyq-smetalyq quny 4 mlrd. 29 mln. teńgege baǵalanǵan nysandy jeńimpaz merdiger kompanıa 3 mlrd. 849 teńgege salyp bitken. 2015 jyly bastaýyn alǵan qurylys osylaısha eki jylda aıaqtalǵan. Qurylys barysynda 53 shaqyrymdy quraıtyn magıstraldy júıe salynyp, memlekettik qabyldaýdan ótti.
Qadyrhan Tólepbergenov, Kentaý qalalyq energetıka jáne TÚKSH, JT jáne AJ bóliminiń basshysy:
«Kentaý qalasynyń aýmaǵynda qazirgi tańda gazdandyrý (saqınalaý) jumystary júrgizilýde. Iaǵnı, kóshe joldary qazylyp, plasıkalyq qubyrlar ornalastyrylýda. Hantaǵy aýylyn gazdandyrýǵa oblys búdjetten 30 mln. teńge bólindi. Kentaý men Hantaǵyǵa gaz bir-eki jylda berilip qalady».
Qazir kelip turǵan gazdy úıme -úıge tabıǵı gazdy jetkizetin kóshelerge gaz taratý qosalqy qurylǵylaryn ornyqtyrý sharalary atqarylýda. Sondaı-aq, Qarnaq, Qushata jáne Baıyldyrdy gazdandyrýǵa jobalyq- smetalyq qujattary ázirlený ústinde. Kentaý, Búrgem, Hantaǵyǵa gaz 2019-20 jyly berilse, qalǵan aýyldar taǵy bir jyldan keıin kógildir otynǵa qol jetkizedi.
