بەلگٸلٸ جۋرناليست يۆان ستريجاكوۆ قاراعاندى وبلىسى بۇحار-جىراۋ اۋدانىنا قاراستى كٶكپەكتٸ اۋىلىندا ەلەۋمەتتٸك وسال توپتارعا ارنالعان جاڭا ٷيلەردٸڭ جاعدايىن كٶزبەن كٶرٸپ قايتتى. ونىڭ سٶزٸنشە, مەملەكەت قارجىسى ەسەبٸنەن سالىنعان, قۇنى 50 ميلليون تەڭگەگە باعالانعان باسپانالاردىڭ ساپاسى سىن كٶتەرمەيدٸ. بۇل تۋرالى جۋرناليست ەلەۋمەتتٸك جەلٸدەگٸ پاراقشاسىندا بەينەجازبا جارييالاپ, مەسەلەنٸ اشىق كٶتەردٸ, دەپ حابارلايدى Dalanews.kz.
ستريجاكوۆتىڭ ايتۋىنشا, جاڭا ٷيلەردٸڭ ٸشٸ ىلعال, قابىرعالارى سىز تارتىپ تۇر. تەرەزەلەرٸنەن سۋ سورعالاپ, بٶلمەلەردە كٶگەرۋ پايدا بولعان. بالالارى اۋىرىپ, مازاسىز كٷيگە تٷسكەن تۇرعىندار جۋرناليستەن كٶمەك سۇراعان.
“بۇل — ەلەۋمەتتٸك وسال توپتارعا ارنالعان باسپانالار. ەر ٷيدٸڭ قۇنى شامامەن 50 ميلليون تەڭگە. بٸراق جاعدايىن كٶرٸپ تۇرسىزدار: ٷي جاڭا بولسا دا, قابىرعالارى جارىلىپ, تەرەزەلەرٸ سۋ ٶتكٸزەدٸ. تۇرعىندار ماعان ىلعالدىڭ كٶپ ەكەنٸن, سىزدان بالالار اۋىرىپ جاتقانىن ايتتى. ەڭ باستى سۇراق: وسىنداي ٷيلەردٸ قابىلداپ العان اۋداندىق تكش بٶلٸمٸنٸڭ جاۋاپكەرشٸلٸگٸ قايدا?” – دەدٸ جۋرناليست.
ستريجاكوۆتىڭ ايتۋىنشا, بۇل ٷيلەر حالىققا تەگٸن بەرٸلمەگەن. تۇرعىندار اي سايىن جالعا الۋ اقىسىن تٶلەيدٸ. كەيٸن ٷيدٸ ساتىپ العىسى كەلسە, 10% كٶلەمٸندە العاشقى جارنا ەنگٸزۋٸ تيٸس. سوعان قاراماستان, ساپاسى تالاپقا ساي ەمەس. بۇل ٶز كەزەگٸندە حالىقتىڭ اشۋ-ىزاسىن تۋدىرىپ وتىر.
“كەپٸلدٸك مەرزٸمٸ ٶتٸپ كەتپەي تۇرىپ, تۇرعىن ٷيلەرگە تەحنيكالىق ساراپتاما تاعايىنداۋ قاجەت. قۇزىرلى ورگاندار بۇل مەسەلەنٸ نازارعا العانى جٶن”, – دەدٸ ول.
تۇرعىنداردىڭ شاعىمى
اۋىل تۇرعىندارىنىڭ بٸرٸ جۋرناليسكە ٷي ٸشٸندەگٸ جاعدايدى كٶرسەتٸپ شىقتى. ونىڭ ايتۋىنشا, ٷي تاپسىرىلعان كٷننەن باستاپ اقاۋلار بٸرٸنەن سوڭ بٸرٸ شىعا باستاعان.
“مىنا جەردٸ بٸز شۇلىقپەن بٸتەپ جٷرمٸز, ٶيتكەنٸ ەسٸكتٸڭ استى تەسٸك, سۋىق جەل سوعادى. تەرەزەلەر ٷنەمٸ تەرلەيدٸ, بۇرىشتاردى زەڭ باسقان. قابىرعالار جارىلىپ جاتىر, ولار تەك سىرتىن عانا سىلاپ قويعان. شىنىمەن قاراساڭىز, جارىق ساۋىسقانداي جىلتىراپ كٶرٸنەدٸ. مىنا جەردەن قاتتى سۋىق جەل سوعادى, ال قازٸر قىس تاياپ كەلەدٸ. بٸر بٶلمەدە تۇتاس قابىرعا تٷسٸپ قالا جازدادى”, — دەيدٸ تۇرعىن.
سونىمەن قاتار ول جۋىناتىن بٶلمەدە دە اقاۋلار كٶپ ەكەنٸن ايتادى.
“جۋىناتىن بٶلمەدە بىلتىر سۋ اتقىلاپ شىقتى. سەبەبٸ كرانداردىڭ گايكاسى مٷلدەم قاتىرىلماعان ەكەن. قابىرعاعا سۋ شاشىراپ, بەرٸ بٷلٸندٸ. جەلدەتكٸش تە دۇرىس ورناتىلماعان, ودان سۋ تامشىلايدى. تەرەزەلەر سارعايىپ, كەيبٸر جەرلەرٸ ٷگٸتٸلٸپ جاتىر. ەڭ سوراقىسى – زەڭ. مۇندا ٷش بالا ٶسٸپ جاتىر, ال بٶلمەلەردٸڭ بەرٸ سىز. بٷگٸندە ۆيرۋس ٶرشٸپ تۇر, بالالارىمىز اۋىرىپ, مەكتەپكە بارا الماي قالدى. دەنساۋلىقتارىنا الاڭدايمىز”, — دەپ قوستى ول.
ونىڭ ايتۋىنشا, تۇرعىندار تالاي رەت تكش بٶلٸمٸنە جٷگٸنگەنٸمەن, تەك “ۋەدە بەرۋمەن” شەكتەلٸپ, ناقتى ەشقانداي جۇمىس جٷرگٸزٸلمەگەن.
“بٸز تالاپ ەتٸپ وتىرعان جالعىز نەرسە – ۋەدە بەرگەن جۇمىستى ورىنداڭىزدار. ارتىق نەرسە سۇرامايمىز. ٷيدٸ جٶندەپ بەرسەڭٸزدەر بولدى” – دەپ اياقتادى سٶزٸن تۇرعىن.
