رەسەي پرەزيدەنتى ءپۋتيننىڭ باسپا ءسوز حاتشىسى پەسكوۆتىڭ قىزى قازاقستاندا رەسمي تىركەلدى دەگەن اقپارات پايدا بولدى. ال بۇل دەگەنىمىز - رەسەيگە سالىنعان سانكسيالار مەن شەكتەۋلەردەن قاشۋدىڭ جولى. سونىمەن قاتار، بۇل پەسكوۆاعا جەرگىلىكتى بانكتە شوت اشۋعا مۇمكىندىك بەرەدى، - دەپ حابارلايدى Dalanews.kz "ناستوياششەە ۆرەميا" باسىلىمىنا سىلتەپ.
ب ا ق مالىمەتىنشە، پەسكوۆتىڭ قىزىمەن اتتاس ەليزاۆەتا پەسكوۆا قازاقستاندا جەكە سايكەستەندىرۋ ءنومىرىن (جسن) العان. باسىلىم ءتىپتى ونىڭ تۋعان كۇنى پەسكوۆتىڭ قىزىنىڭ تۋعان كۇنىمەن بىردەي ەكەنىن جازدى. بۇل مالىمەتتەر قازاقستاننىڭ ۇلتتىق كۋالاندىرۋشى ورتالىعىنىڭ ونلاين-تىزىلىمىنەن جانە باسقا دا دەرەكقورلاردان انىقتالعان.
"پەسكوۆا ءجسن-دى 2022 جىلعى قىركۇيەككە دەيىن العان بولۋى كەرەك، ويتكەنى نۇر-سۇلتان (cول كەزدەگى اتاۋ بويىنشا - ەسك.) قالاسى بويىنشا مەملەكەتتىك كىرىستەر باسقارماسىنا تىركەلگەن. استانا 2019 جىلعى ناۋرىزدان 2022 جىلعى قىركۇيەككە دەيىن نۇر-سۇلتان اتالعانى بەلگىلى، كەيىن قايتا استانا دەپ اتالدى"، - دەپ جازىلعان باسىلىم مالىمەتىندە.
ەلىمىزدەگى جسن - رەسەيلىك ءجسن-نىڭ انالوگى، سالىق تولەۋشىنىڭ جەكە ءنومىرى. بۇل مەملەكەتتىك جانە بانك قىزمەتتەرىن الۋ ءۇشىن قاجەت. ب ا ق رەسەيلىكتەر ۋكراينامەن اراداعى جاعداي باستالعاننان بەرى جەرگىلىكتى بانكتەردە شوت اشۋ، Visa مەن Mastercard شەكتەۋلەرىنەن "قاشۋ" ءۇشىن جاپپاي جسن راسىمدەي باستاعانىنا نازار اۋدارعان.
"پەسكوۆا بۇل مۇمكىندىكتى قانشالىق پايدالانىپ ۇلگەرگەنى بەلگىسىز. بانكتەر ادەتتە سانكسياعا ۇشىراعاندارعا قىزمەت كورسەتۋگە وڭ قاباق تانىتپايدى، ونىڭ ۇستىنە ءپۋتيننىڭ باسپا ءسوز حاتشىسىنىڭ قىزى 2022 جىلعى ناۋرىزدا اقش-تىڭ جانە تاعى بىرنەشە ايدان كەيىن ەۋروپا وداعىنىڭ سانكسياسىنا ۇشىرادى. باتىس ەلدەرى پەسكوۆانى اكەسىنىڭ تانىستارى ارقىلى "باقۋاتتى ءومىر سالتىن" ۇستانادى دەپ ايىپتادى، ال ونىڭ اكەسى سوعىستىڭ العاشقى كۇندەرىندە-اق سانكسيا تىزىمىنە ەنگەن. پەسكوۆا وزىنە قارسى شەكتەۋدى "ادىلەتسىز ءارى نەگىزسىز" دەپ، سونداي-اق، "بۇل جاعدايعا ەشقانداي قاتىسى جوعىن" العا تارتتى"، - دەپ جازىلعان مالىمەتتە.
باسىلىم مالىمەتىنشە، پەسكوۆا 26 جاستا. ونىڭ نەگىزگى اكتيۆى - ماسكەۋدەگى "سەنترۋم" جارناما اگەنتتىگىندەگى 30 پايىز اكسيا.
رەداكسيا پەسكوۆاعا، سونداي-اق، ونىڭ PR ديرەكتورىنا وسى ماسەلەگە بايلانىستى ساۋالدار جولداعان.
