سامارا وبلىسىنىڭ دەپۋتاتىنا وتىرىستا ايتقان سٶزٸ ٷشٸن ەسكەردٸ «بەدەلٸن تٷسٸردٸ» دەگەن ايىپپەن ٸس قوزعالدى, دەپ حابارلايدى Dalanews.kz.
ەڭگٸمە سامارا وبلىسىنىڭ ساياساتكەرٸ گريگوريي ەرەمەەۆ جايلى بولىپ وتىر. دەپۋتاتقا رەسەي ارميياسىنىڭ بەدەلٸن تٷسٸرۋ بابى بويىنشا ٸس قوزعالدى. تيٸستٸ ماتەريالدار سامارا قالاسىنداعى لەنين اۋداندىق سوتىنا جولدانعان.
داۋ تۋدىرعان وقيعا 2024 جىلدىڭ جەلتوقسان ايىنىڭ سوڭىندا سامارا وبلىستىق دۋماسىنىڭ وتىرىسىندا بولعان. «وستوروجنو, نوۆوستي» Telegram-ارناسىنىڭ جازۋىنشا, وتىرىس بارىسىندا «دەموكراتيچەسكايا پارتييا روسسيي» اتىنان سايلانعان دەپۋتات گريگوريي ەرەمەەۆ ارنايى ەسكەري وپەراتسييانىڭ (سوعىستىڭ) نەتيجەلەرٸن سىنعا الىپ, ەرٸپتەستەرٸنە «سەتسٸزدٸك ٷشٸن كٸنەنٸ مويىنداپ, ازاماتتاردان كەشٸرٸم سۇراپ, وتستاۆكاعا كەتۋدٸ» ۇسىنعان. سونىمەن قاتار ول رەسەي پرەزيدەنتٸ ۆلاديمير پۋتينگە ارنايى ەسكەري وپەراتسييا ايماعىنداعى سوعىس قيمىلدارىن توقتاتۋدى ۇسىنعان.
«وستوروجنو, نوۆوستي» ماتەريالىندا ەرەمەەۆتٸڭ سٶز سٶيلەگەن بەينەجازبالارىنىڭ ٶشٸرٸلگەنٸ, تەك سكرينشوتتار عانا قالعانى دا ايتىلعان.
كەيٸنٸرەك ەرەمەەۆتٸڭ ٶزٸ جۋرناليستەرگە جەلتوقسان ايىنىڭ سوڭىندا سامارا دۋماسىنداعى سٶزٸنەن كەيٸن وعان ارمييانى ديسكرەديتاتسييالاۋ بابى بويىنشا ەكٸمشٸلٸك حاتتاما تولتىرىلعانىن حابارلادى. ونىڭ ايتۋىنشا, ارنايى وپەراتسيياعا قاتىستى مەلٸمدەمەلەرٸنەن سوڭ «دەپۋتاتتار بٸراۋىزدان ونىڭ سٶزٸن قۇقىق قورعاۋ ورگاندارىنا جولداۋ جٶنٸندە داۋىس بەرگەن».
ەرەمەەۆ ٶزٸنە قاتىستى جاسالعان حاتتامامەن كەلٸسپەيتٸنٸن اتاپ ٶتتٸ. ونىڭ سٶزٸنشە, بۇل ايىپتاۋعا ەشقانداي نەگٸز جوق.
