پۋتين اگرەسسياسىن قولدامايتىن رەسەي ازاماتى ءۇش بالاسىمەن بىرگە قازاقستانعا قاشىپ كەلدى دەپ حابارلايدى Dalanews.kz.

وپپوزيسيالىق ۇستانىمى ءۇشىن وتانىندا قۋعىن-سۇرگىن كورگەن رەسەيلىك دارىگەردى كرەمل ساياساتىن سىنعا العاندىقتان قولىنا اۆتومات ۇستاتىپ، سوعىسقا جىبەرمەك بولعان.

رەناتا ءۇش بالانىڭ اناسى، بىلىكتى حيرۋرگ. وسى كۇنگە دەيىن ومبىداعى ورتالىق اۋرۋحانادا ەڭبەك ەتكەن.

ايتۋىنشا، ماسكەۋدىڭ باسقىنشى ساياساتىنا اۋەلدەن قارسى بولعان. 2014 جىلدان كۇنى بۇگىنگە دەيىن ۋكرايناعا قاراستى قىرىم تۇبەگىن وتارلاپ العان پۋتينگە قارسى سويلەپ، ءتۇرلى دەڭگەيدەگى ميتينگىلەرگە اتسالىسقان.

كرەمل كييەۆكە باسىپ كىرگەن تۇستا مۇنىڭ سوڭى ورنى تولماس قاتەلىككە اكەلەرىن ايتىپ، الاڭعا شىققان.

وسى ارەكەتى ءۇشىن پوليسەيلەر رەناتانىڭ ىزىنە ءتۇسىپ، قىسىم كورسەتكەن.

"وتكەن جىلدىڭ كۇزىندە ءوزىمنىڭ ەسىم-سويىمدى سوعىسقا شاقىرىلعانداردىڭ اراسىنان كورىپ قالىپ، شالقامنان ءتۇستىم. شيەتتەي بالالارىم بار، ونىڭ ۇستىنە ورديناتۋرادا وقىپ-توقىپ جاتقام.

ءۇش بالانىڭ اناسىن سوعىسقا شاقىرعاندى كىم كورگەن، اراشا سۇراپ دۋما سپيكەرى ءۆولوديننىڭ اتىنا دۇركىن-دۇركىن حات جولدادىم. سەبەبى سونىڭ الدىندا عانا قورعانمين دارىگەر-ايەلدەردىڭ سوعىسقا شاقىرىلمايتىنى جونىندە ۇكىم شىعارعان ەدى.

ءيا، سوعىس كەزىندە دارىگەرلەرگە سۇرانىس ارتادى، مايدانداعى ەڭ قات ماماننىڭ ءبىرى وسى دارىگەرلەر، سونىڭ ىشىندە حيرۋرگتاردىڭ ورنى بولەك. جارالى جاۋىنگەرلەرگە جاردەم بەرۋ ءۇشىن ەلدەگى بالنىستەردى ارالاپ، دارىگەرلەردىڭ ءبىرازىن ءماجبۇرلى تۇردە مايدانعا اكەتىپ جاتقانىن قۇلاعىم شالعان.

الايدا ماعان كەلگەندە اسكەريلەر گوستيپالدا دارىگەر جەتكىلىكتى دەگەندى جەلەۋ ەتىپ، سولداتتاردىڭ جاراسىن تاڭۋعا ەمەس، قولىما اۆتومات ۇستاتىپ، اتىس-شابىسقا سالماق بولدى..."، – دەيدى رەسەيلىك بوسقىن.

رەناتا مۇنى وسى كۇنگە دەيىن كرەملمەن كۇرەسىپ كەلگەن ساياسي ۇستانىمىنان كورەدى.

سوعىستى قولدامايتىن اۋديتوريانىڭ الدىڭعى لەگىندە جۇرگەن دارىگەر اسكەرياتپەن سالعىلاسىپ جاتپاي، شەمودانىن شۇعىل جيناپ، بالا-شاعاسىمەن بىرگە قازاقستانعا قاشقان. ءازىر ول الماتىداعى حوستەلدىڭ بىرىندە تۇرىپ جاتىر.

ايتقانداي...

قازاقستانعا سوعىستان قاشقان رەسەيلىكتەر عانا ەمەس، شەتەل ينۆەستورى دا كوپتەپ كەلۋدە. بىزدەگى جوبالاردى ءۇندىنىڭ "كوتاك bankء-ى" پۋلى قارجىلاندىرۋى مۇمكىن. قارجى ينستيتۋتىن ايگىلى بانكير ۋداي كوتاك باسقارادى. 

تولىعىراق وسى جەردە: https://t.me/dalainside/1105