Pýtin agressiiasyn qoldamaityn Resei azamaty úsh balasymen birge Qazaqstanǵa qashyp keldi dep habarlaidy Dalanews.kz.
Oppozitsiialyq ustanymy úshin otanynda qýǵyn-súrgin kórgen reseilik dárigerdi Kreml saiasatyn synǵa alǵandyqtan qolyna avtomat ustatyp, soǵysqa jibermek bolǵan.
Renata úsh balanyń anasy, bilikti hirýrg. Osy kúnge deiin Ombydaǵy ortalyq aýrýhanada eńbek etken.
Aitýynsha, Máskeýdiń basqynshy saiasatyna áýelden qarsy bolǵan. 2014 jyldan kúni búginge deiin Ýkrainaǵa qarasty Qyrym túbegin otarlap alǵan Pýtinge qarsy sóilep, túrli deńgeidegi mitingilerge atsalysqan.
Kreml Kievke basyp kirgen tusta munyń sońy orny tolmas qatelikke ákelerin aityp, alańǵa shyqqan.
Osy áreketi úshin politseiler Renatanyń izine túsip, qysym kórsetken.
"Ótken jyldyń kúzinde ózimniń esim-soiymdy soǵysqa shaqyrylǵandardyń arasynan kórip qalyp, shalqamnan tústim. Shiettei balalarym bar, onyń ústine ordinatýrada oqyp-toqyp jatqam.
Úsh balanyń anasyn soǵysqa shaqyrǵandy kim kórgen, arasha surap Dýma spikeri Volodinniń atyna dúrkin-dúrkin hat joldadym. Sebebi sonyń aldynda ǵana QorǵanMin dáriger-áielderdiń soǵysqa shaqyrylmaityny jóninde úkim shyǵarǵan edi.
Iá, soǵys kezinde dárigerlerge suranys artady, maidandaǵy eń qat mamannyń biri osy dárigerler, sonyń ishinde hirýrgtardyń orny bólek. Jaraly jaýyngerlerge járdem berý úshin eldegi bálnisterdi aralap, dárigerlerdiń birazyn májbúrli túrde maidanǵa áketip jatqanyn qulaǵym shalǵan.
Alaida maǵan kelgende áskeriler gostipalda dáriger jetkilikti degendi jeleý etip, soldattardyń jarasyn tańýǵa emes, qolyma avtomat ustatyp, atys-shabysqa salmaq boldy...", – deidi reseilik bosqyn.
Renata muny osy kúnge deiin Kremlmen kúresip kelgen saiasi ustanymynan kóredi.
Soǵysty qoldamaityn aýditoriianyń aldyńǵy leginde júrgen dáriger áskeriatpen salǵylasyp jatpai, shemodanyn shuǵyl jinap, bala-shaǵasymen birge Qazaqstanǵa qashqan. Ázir ol Almatydaǵy hosteldiń birinde turyp jatyr.
AITQANDAI...
Qazaqstanǵa soǵystan qashqan reseilikter ǵana emes, shetel investory da kóptep kelýde. Bizdegi jobalardy úndiniń "Kotak bank-i" pýly qarjylandyrýy múmkin. Qarjy institýtyn áigili bankir Ýdai Kotak basqarady.
Tolyǵyraq osy jerde: https://t.me/dalainside/1105
https://www.youtube.com/watch?v=dJRBlwpUvbk
