رەسەيدەگٸ كٶشٸ-قون مەسەلەسٸمەن اينالىساتىن ارنايى باسقارما بيىلعى جىلدىڭ قاڭتار-ماۋسىم ارالىعىنداعى ميگراتسييالىق احۋالعا شولۋ جاساعان ەكەن.
باسقارما دەرەگٸندە, وسى جىلدىڭ 6 ايىندا عانا 23 مىڭ 293 قازاقستاندىقتىڭ رەسەي ازاماتتىعىن العانى ايتىلعان.
بۇدان بٶلەك 30 مىڭنان اسا قازاقستاندىق رەسەي اۋماعىندا ۋاقىتشا تۇرۋ قۇقىعىنا يە, مۇنىڭ ٸشٸندە 10 مىڭ 848 ادام بۇل رۇقساتتى بيىلعى جىلدىڭ العاشقى شيرەگٸندە الىپ ٷلگەرگەن.
41 مىڭ 165 قازاقستاندىقتىڭ رەسەيدە ەركٸن جٷرٸپ-تۇراتىن ىقتييارحاتى بار. قاڭتار مەن ماۋسىمنىڭ ارالىعىندا عانا رەسەيدە تۇرۋعا رۇقسات بەرەتٸن ىحتييارحاتتى 13 مىڭ ادام العان.
ال 26 مىڭ 393 قازاقستاندىق رەسەيمەن ەڭبەك كەلٸسٸمشارتىن جاساسقان. تۇتاستاي العاندا جىل باسىنان بەرگٸ مەرزٸمدە 225 مىڭ قازاقستاندىق رەسەيدٸڭ كٶشٸ-قون قىزمەتٸنٸڭ تٸركەۋٸنە تۇرعان. بۇل پەتروپاۆل قالاسىنىڭ تۇرعىن سانىمەن پارا-پار كٶرسەتكٸش.
...
بۇعان دەيٸن Dalanews.kz رەسەي مەن ورتا ازييا ايماعىن زەرتتەۋمەن شۇعىلداناتىن تانىمال عالىم مارلەن لاريۋەلدٸڭ قازاقستانداعى ورىستارعا قاتىستى پٸكٸرٸن جارييالاعان.
“قازاقستانداعى ورىستٸلدٸ اۋديتورييانىڭ ٷلەس سالماعى كٷنبە-كٷن كەمٸپ, تيٸسٸنشە ورىس تٸلٸنٸڭ ٶرٸسٸ تارىلۋدا. ورىستار مول قونىستانعان سولتٷستٸك ٶڭٸرلەردٸڭ ٶزٸندە ولاردىڭ ٷلەسٸ 35-50 پايىزدان اسپايدى. ولار ۇلتتىق ٷلەس تۇرعىسىنان ازشىلىققا اينالۋدا.
90-شى جىلدارى ورىستاردىڭ باسىم كٶپشٸلٸگٸ اتاجۇرتىنا ورالدى. بٷگٸندە بۇل ٷردٸستٸڭ قارقىنى بەسەڭدەگەنمەن, ورىستٸلدٸ قاۋىم بەرٸبٸر دە كٶشٸپ جاتىر.
ولار رەسەيگە ٶز قالاۋىمەن قونىس اۋدارۋدا, ولاردى سولاي ەتۋگە ەشكٸم مەجبٷرلەگەن جوق.
وتانداستاردى ەلگە شاقىرعان پۋتينٸڭ باعدارلاماسى قازاقستانداعى ورىستاردى ورنىنان قوزعالتتى. رەسەي حالقىنىڭ سانىن كٶبەيتٸپ جاتقان دا نەگٸزٸنەن قازاقستان مەن ۋكراينادان كەلگەن ورالماندار”, – دەگەن ەدٸ مارلەن لاريۋەل.
https://dalanews.kz/sadak/65289-qazaqtandyru-10-zhyldan-keyin-qazaqstan
