Reseidegi Kóshi-qon máselesimen ainalysatyn arnaiy basqarma biylǵy jyldyń qańtar-maýsym aralyǵyndaǵy migratsiialyq ahýalǵa sholý jasaǵan eken.
Basqarma dereginde, osy jyldyń 6 aiynda ǵana 23 myń 293 qazaqstandyqtyń Resei azamattyǵyn alǵany aitylǵan.
Budan bólek 30 myńnan asa qazaqstandyq Resei aýmaǵynda ýaqytsha turý quqyǵyna ie, munyń ishinde 10 myń 848 adam bul ruqsatty biylǵy jyldyń alǵashqy shireginde alyp úlgergen.
41 myń 165 qazaqstandyqtyń Reseide erkin júrip-turatyn yqtiiarhaty bar. Qańtar men maýsymnyń aralyǵynda ǵana Reseide turýǵa ruqsat beretin yhtiiarhatty 13 myń adam alǵan.
Al 26 myń 393 qazaqstandyq Reseimen eńbek kelisimshartyn jasasqan. Tutastai alǵanda jyl basynan bergi merzimde 225 myń qazaqstandyq Reseidiń kóshi-qon qyzmetiniń tirkeýine turǵan. Bul Petropavl qalasynyń turǵyn sanymen para-par kórsetkish.
...
Buǵan deiin Dalanews.kz Resei men Orta Aziia aimaǵyn zertteýmen shuǵyldanatyn tanymal ǵalym Marlen Lariýeldiń Qazaqstandaǵy orystarǵa qatysty pikirin jariialaǵan.
“Qazaqstandaǵy orystildi aýditoriianyń úles salmaǵy kúnbe-kún kemip, tiisinshe orys tiliniń órisi tarylýda. Orystar mol qonystanǵan soltústik óńirlerdiń ózinde olardyń úlesi 35-50 paiyzdan aspaidy. Olar ulttyq úles turǵysynan azshylyqqa ainalýda.
90-shy jyldary orystardyń basym kópshiligi atajurtyna oraldy. Búginde bul úrdistiń qarqyny báseńdegenmen, orystildi qaýym báribir de kóship jatyr.
Olar Reseige óz qalaýymen qonys aýdarýda, olardy solai etýge eshkim májbúrlegen joq.
Otandastardy elge shaqyrǵan Pýtiniń baǵdarlamasy Qazaqstandaǵy orystardy ornynan qozǵaltty. Resei halqynyń sanyn kóbeitip jatqan da negizinen Qazaqstan men Ýkrainadan kelgen oralmandar”, – degen edi Marlen Lariýel.
https://dalanews.kz/sadak/65289-qazaqtandyru-10-zhyldan-keyin-qazaqstan
