پۋتين: «پوروشەنكو مەن ەردوعان؟ سۋعا كەتكەندەردى قۇتقارمايدى»

Dalanews 17 ءساۋ. 2016 01:17 98

«تىكەلەي جەلى» بارىسىندا رەسەيلىكتەردىڭ سۇراعىنا جاۋاپ بەرگەن ۆلاديمير پۋتين وسى ارقىلى كرەملدىڭ سىرتقى ساياساتتاعى ۇستانىمىن دا ايقىنداپ بەرگەندەي بولدى.

«تىكەلەي جەلى» كەزىندە پۋتينگە سۇراق قويعان 12 جاسار ۆارۆارا كۋزنەسوۆانىڭ ساۋالى تالايدى تاڭعالدىردى.

– ەگەر پوروشەنكو مەن ەردوعان سۋعا كەتىپ بارا جاتسا، قايسىسىن ءبىرىنشى قۇتقارار ەدىڭىز؟ – دەدى قارشاداي قىز.

– ەگەر بىرەۋ سۋعا باتىپ كەتۋدى قالاسا ونى قۇتقارىپ قالۋ مۇمكىن ەمەس. ءبىز كەز-كەلگەن ارىپتەسىمىزگە كومەك قولىن سوزۋعا ءازىرمىز، ءبىراق بۇعان ارىپتەسىمىزدىڭ  مۇددەلى بولۋى كەرەك، – دەدى  دەدى پۋتين.

ال بەسىكتەن بەلى شىقپاعان بالانىڭ ەردوعان مەن پوروشەنكودا نەسى بار؟ ءپۋتيننىڭ مىنەزىن جاقسى بىلەتىن ساراپشىلاردىڭ ايتۋىنشا، بۇل الدىن-الا دايىندالعان سەناريي. وسى ارقىلى كرەمل ۋكراينا مەن تۇركياعا قاتىستى كوزقاراسىن اڭعارتىپ وتىر.

«قالا مەن دالا» 



ماقالانى كوشىرىپ باسقاندا گيپەرسىلتەمەسىن كورسەتۋ مىندەتتى

ۇسىنىلعان
سوڭعى جاڭالىقتار