رەسەي پرەزيدەنتى ۆلاديمير پۋتين ءوزىنىڭ "تىكەلەي بايلانىسىندا" امەريكالىق ارىپتەسىنىڭ قۇراما شتاتتاردىڭ ليۆياداعى وپەراسياسى قاتەلىك بولعانى تۋرالى مالىمدەمەسىنە وراي وسىلاي دەدى.
دەگەنمەن پۋتين: "اقش قاتەلىك جاساۋدى جالعاستىرۋدا. مۇنداي قاتەلىككە ولار سيريادا دا بوي الدىرۋى مۇمكىن "، – دەدى.
2011 جىلى اقش پەن وزگە ەلدەر بەيبىت حالىقتى قورعاۋ ماقساتىندا ليۆيانىڭ ۇكىمەتتىك اسكەرىنىڭ شەبىنە اۋەدەن سوققى جاساعان بولاتىن. الايدا ليۆيا كوسەمىن كوتەرىلىسشىلەر ولتىرگەن سوڭ ، ەلدەگى جاعداي ۋشىعىپ كەتتى.اقىرىندا ليۆيانىڭ اۋداندارىنىڭ ءبىرىن "يسلام مەملەكەتى" تەررورلىق ۇيىمىنىڭ سودىرلارى باسىپ الدى.
رەسەيدىڭ سيرياداعى اسكەري وپەراسياسى كەزىندە حالىقارالىق قۇقىق قورعاۋ ۇيىمدارى كرەملدى اسكەري قىلمىستارعا بارعانى، اتاپ ايتقاندا مەشىتتەر، بازارلار، اۋرۋحانا مەن مەكتەپتەردى قيراتقانى ءۇشىن جانە كاسسەتالىق بومبالاردى قولدانعانى ءۇشىن بىرنەشە رەت ايىپتادى. ۇلىبريتانيانىڭ قورعانىس ءمينيسترى مايكل فاللون رەسەيلىك ۇشاقتاردىڭ سيريالىق وپپوزيسيا بەكىنگەن قالالار مەن ەلدى مەكەندەردى شابۋىلداۋى "سوعىستى سوزىپ وتىرعانىن" جانە پرەزيدەنت باشار اسادتىڭ "رەجمىن كۇشەيتكەنى"تۋرالى مالىمدەگەن.
