Resei prezidenti Vladimir Pýtin óziniń "Tikelei bailanysynda" amerikalyq áriptesiniń Qurama Shtattardyń Liviiadaǵy operatsiiasy qatelik bolǵany týraly málimdemesine orai osylai dedi.
Degenmen Pýtin: "AQSh qatelik jasaýdy jalǵastyrýda. Mundai qatelikke olar Siriiada da boi aldyrýy múmkin ", – dedi.
2011 jyly AQSh pen ózge elder beibit halyqty qorǵaý maqsatynda Liviianyń úkimettik áskeriniń shebine áýeden soqqy jasaǵan bolatyn. Alaida Liviia kósemin kóterilisshiler óltirgen soń , eldegi jaǵdai ýshyǵyp ketti.Aqyrynda Liviianyń aýdandarynyń birin "Islam memleketi" terrorlyq uiymynyń sodyrlary basyp aldy.
Reseidiń Siriiadaǵy áskeri operatsiiasy kezinde halyqaralyq quqyq qorǵaý uiymdary Kremldi áskeri qylmystarǵa barǵany, atap aitqanda meshitter, bazarlar, aýrýhana men mektepterdi qiratqany úshin jáne kassetalyq bombalardy qoldanǵany úshin birneshe ret aiyptady. Ulybritaniianyń qorǵanys ministri Maikl Fallon reseilik ushaqtardyń siriialyq oppozitsiia bekingen qalalar men eldi mekenderdi shabýyldaýy "soǵysty sozyp otyrǵanyn" jáne prezident Bashar Asadtyń "rejmin kúsheitkeni"týraly málimdegen.
