ونىڭ پٸكٸرٸنشە باسقىنشىلار نە العا جىلجي المايتىن, نە كەرٸ شەگٸنە المايتىن دەرمەنسٸز كٷيگە تٷسكەن.
شابۋىلدايتىن قاۋقارى جوق, بولدىرىپ قالعان, كەرٸ شەگٸنەر بولسا, وپاسىزدىق جاساعانى ٷشٸن قۋدالاۋعا ۇشىرايدى.
شويگۋ باسقاراتىن ەسكەري سالا كوررۋپتسييانىڭ ورداسىنا اينالعان. ەسكەرگە بٶلٸنگەن ايلاپات اقشا جەمقورلاردان ارتىلمايدى. رەسەي ارميياسى ايبىنىنان ايىرىلعان, قاتارداعى ساربازدار ازىپ-توزىپ جٷر. ولاردىڭ پۋتيننٸڭ بۇيرىعىنا باعىنۋدان باسقا امالى جوق.
سٶي دەگەن سەرگەي كانەۆ قورعانىس سالاسىنداعى "بارماق باستى, كٶز قىستى" ەرەكەتتٸڭ ۋكراين جەرٸندە ەشكەرە بولعانىن ەگجەي-تەگجەيلٸ ەڭگٸمەلەپتٸ.
"رەسەي ارميياسىنداعى جەمقورلىقتىڭ شەكتەن شىققانى سونشا, باسقىنشىلاردا دەنٸ دۇرىس بايلانىس قۇرالى جوق. پۋتين مىڭ جەردەن بۇيىرسا دا, قاراپايىم تٸلدەسۋ قۇرالىنان تاپشىلىق كٶرٸپ وتىرعان ەسكەر العا جىلجىمايدى.
تۇتقىنعا تٷسكەن ورىس وككۋپانتتارىن تىڭداساڭىز, "بٸز بايلانىسسىز وتىردىق, حابار-وشارسىز قالدىق, كٸمنٸڭ قايدا جٷرگەنٸ بەلگٸسٸز, راتسيياعا زەرۋٸمٸز" دەپ زار يلەپ وتىر.
شويگۋ ماقتاۋىن اسىرعان "ازارت" راديوستانتسيياسى سوعىس جاعدايىنا جارامسىز بولىپ شىقتى, شەتٸنەن ٸستەن شىعىپ جاتىر. وككۋپانتتار تەلەفون ارقىلى تٸلدەسۋگە مەجبٷر, ولاردىڭ ەڭگٸمەسٸن ۋكرايندار سول مەزەتتە شاپ بەرٸپ, ورىس ەسكەرٸنٸڭ ورنالاسقان جەرٸن انىقتاۋدا. راتسيياعا زەرۋ, جانارمايى تاۋسىلعان, تانكٸسٸ تالقاندالعان, اشتىقتان بۇراتىلعان ورىس ەسكەرٸ ۋكراين اۋىلدارىن توناۋدان ٶزگە تٷك بٸتٸرٸپ جٷرگەن جوق, پۋتين ارميياسىنىڭ قازٸرگٸ سيقى وسى.
قورعانىس مينيسترٸلٸگٸنٸڭ تاپسىرىسىمەن جاسالعان اتىشۋلى "ەرا" سمارتفونى دا كٷرەسٸندە جاتىر, تٷككە جارامايدى. ەكەۋارا ەڭگٸمەنٸ قۇپييادا ۇستايدى, ٷشٸنشٸ تاراپتىڭ كيلٸگۋٸنەن قورعايدى دەگەن تەلەفوندى پايدالانۋ ٷشٸن 3G نەمەسە 4G جەلٸلەرٸ قوسىلىپ تۇرۋى كەرەك. ۋكرايناعا باسىپ كٸرگەن ورىس ەسكەرٸ الدىمەن ۇيالى بايلانىستىڭ مۇنارالارىن اتقىلاعان ەدٸ...", – دەيدٸ رەسەيلٸك جۋرناليست.
ونىڭ اتاپ ٶتكەنٸندەي, امالى تاۋسىلعان وككۋپانتتار قىتايدىڭ ارزانقول (Baofeng) راتسيياسىن پايدالانۋعا مەجبٷر. شويگۋدان كٶمەك كٷتە, كٷدەرٸ ٷزٸلگەن ەسكەر ٶز بەتٸنشە كٷن كٶرۋگە كٶشٸپتٸ.
"ەسكەريلەردٸڭ ايتۋىنشا قىتايدىڭ راتسييا سيقى جوق, سۋىققا شىدامسىز, قۋاتى تەز تاۋسىلاتىن, ٷلبٸرەگەن قۇرىلعىسىن اليەكسپرەسستەن-اق ساتىپ الۋعا بولادى. اتىنان ات ٷركەتٸن ورىس ەسكەرٸ اليەكسپرەسستە سامساپ تۇرعان ساپاسىز دٷنيەنٸ سوعىسقا سالىپ جٷر", – دەيدٸ سەرگەي كانەۆ.
ال شويگۋدىڭ شابارماندارى پۋتين ايتاتىن "ەسكەري وپەراتسييانىڭ" قىزىعىن كٶرۋدە. قورعانىس مينيسترلٸگٸندەگٸ شەندٸ-شەكپەندٸلەر وسى ناۋقانعا بٶلٸنگەن قىرۋار قاراجاتتى ەدەل-جەدەل "يگەرۋ" ٷستٸندە ەكەن.
سٶي دەگەن كانەۆ شويگۋدىڭ وڭ قولى سانالاتىن, قورعانىس مينيسترلٸگٸندەگٸ بايلانىس باسقارماسىنىڭ باسشىسى, گەنەرال حاليل ارسىلانوۆقا شٷيلٸگٸپتٸ.
"سوعىستا تٷككە جاراماي قالعان "ازارت" راتسييالارىن ساتىپ الۋعا ارسىلانوۆتىڭ باسقارماسى 6,7 ملرد رۋبل جۇمساپ جٸبەردٸ. پۋتيننٸڭ پروپاگاندا قۇرالدارى بۇل تۋرالى تٸس جارمايدى. بٸزدٸڭ ەلدە ەشنەرسەنٸڭ ەسەبٸ جوق. بۇعان بٶلٸنگەن ەسٸل اقشا شويگۋ, ارسىلانوۆ سەكٸلدٸ پاراقورلاردىڭ قالتاسىندا كەتتٸ. بٶگدە ەلدە وققا ۇشىپ, كٶمۋسٸز قالعان ورىس ساربازدارىنىڭ تاعدىرى ەشكٸمدٸ تولعاندىرمايدى", – دەيدٸ كانەۆ.
