زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا باس پروكۋرور جاقىپ اسانوۆ بازارلار مەن دۇكەندەردى كۇزەتەتىن كۇزەت فيرمالارىنىڭ جۇمىسىنا كۇمان كەلتىردى، دەپ حابارلايدى قازاقپارات.

– قاراپايىم حالىقتان  بازارلار مەن ۇلكەن دۇكەندەردى كۇزەتەتىن كۇزەت فيرمالارى  «جۇمىس» ىستەپ السىن دەپ ۇرىلاردى بەلگىلى ءبىر ۋاقىتتا ىشكە كىرگىزەدى دەپ ەستىدىم.  ەگەر سول بازاردى، دۇكەندى كۇزەتەتىن كۇزەت فيرماسى ۇرىلاردى ۇستاي الماسا، ليسەنزياسىن  الايىق. نەگە ولار ءوز اۋماعىنداعى قاۋىپسىزدىككە جاۋاپ بەرمەيدى؟! ءاربىر بەسىنشى ۇرى ۇلكەن بازارلاردا، دۇكەندەردە جاسالادى ەكەن. كۇزەت فيرمالارى كۇزەتەتىن بازارلار مەن دۇكەندەرگە قاتىستى شارانى كۇشەيتۋ كەرەك، – دەدى جاقىپ اسانوۆ.

بۇعان دەيىن حابارلاعانىمىزداي،  قازاقستاندا ۇرلىق فاكتىلەرى بۇكىل قىلمىستىڭ 60 پايىزىن قۇراپ وتىر. سوڭعى بەس جىلدا ۇرلىقتان كەلگەن شىعىن 70 ملرد تەڭگەدەن اسىپ كەتكەن.

– قازاقستانداعى قىلمىستاردىڭ 64% پايىزى ول –  ۇرلىق. حالىقتىڭ مازاسىن كەتىرىپ وتىرعان دا  – ۇرلىق. جىلدان جىلعا كوبەيىپ كەلەدى. حالىق قۇقىق قورعاۋ ورگاندارىنا سەنبەيدى. ويتكەنى، ۇرلىق فاكتىلەرىنىڭ 70 پايىزى اشىلماي قالعان، – دەدى ۇيلەستىرۋ كەڭەسىنىڭ وتىرىسىندا باس پروكۋرور جاقىپ اسانوۆ.