تالدىقورعاندا 32 جاستاعى ايزات جۇمانوۆانىڭ ٶلٸمٸنە قاتىستى سوت پروتسەسٸندە مەملەكەتتٸك ايىپتاۋشى سٶز سٶيلەدٸ, دەپ حابارلايدى Dalanews.kz.
پروكۋرور تەرگەۋ بارلىق زاڭناماعا ساي ٶتكەنٸن اتاپ قتٸپ, كٷدٸكتٸنٸ 15 جىلعا سوتتاۋدى سۇرادى.
ايتا كەتەيٸك, تەرگەۋ دەرەگٸنشە, وقيعا 22 ماۋسىمعا قاراعان تٷنٸ بولعان. ايزاتتىڭ كٷيەۋٸ ايبار جانبولات ەيەلٸن ٷيٸنٸڭ ماڭىندا قاتىگەزدٸكپەن سوققىعا جىققان دەگەن كٷدٸك بار.
وقيعادان كەيٸن ەر ادام ەيەلٸن تالدىقورعان قالاسىنداعى وبلىستىق اۋرۋحاناعا جەتكٸزگەن. الايدا ايزات جۇمانوۆا جانساقتاۋ بٶلٸمٸندە كٶز جۇمعان.
ٸس بويىنشا سوت پروتسەسٸ جالعاسىپ جاتىر.
بۇعان دەيٸن مارقۇمنىڭ تۋىستارى ايزاتتى ارقانمەن بايلاپ, دالادا سٷيرەتكەن بولۋى مٷمكٸن دەگەن بولجام ايتىپ, سونداي-اق ونىڭ جٷكتٸ بولعانىن جوققا شىعارماعان. الايدا پروكۋروردىڭ مەلٸمدەۋٸنشە, كەشەندٸ سوت-مەديتسينالىق ساراپتاما نەتيجەسٸندە ەيەل دەنەسٸندە اتپەن, كٶلٸكپەن نەمەسە ادام كٷشٸمەن سٷيرەتۋگە تەن ٸزدەر تابىلماعان.
سونىمەن قاتار, كوميسسييا ۇسىنىلعان مەديتسينالىق قۇجاتتار مەن قايتا جاسالعان گيستولوگييالىق زەرتتەۋ قورىتىندىلارى بويىنشا جٷكتٸلٸك بەلگٸلەرٸن انىقتاماعان.
