ۇلتتىق ەكونوميكا مينيسترلٸگٸ الداعى ٷش جىلعا ارنالعان رەسپۋبليكالىق بيۋدجەتتٸ قالىپتاستىرۋ بارىسىندا شىعىنداردى قىسقارتۋعا كٸرٸستٸ, دەپ حابارلايدى Dalanews.kz.
بۇل تۋرالى مينيسترلٸك ٶتكٸزگەن كەڭەستە مەلٸم بولدى. ناقتى شەشٸمدەردٸڭ بٸرٸ — تيٸمسٸز جەنە ٶنٸمسٸز شىعىنداردى ازايتۋ.
سەرٸك جۇمانعارين باسقاراتىن ۆەدومستۆونىڭ حابارلاۋىنشا, ٷنەمدەۋدٸڭ باستى باعىتى – قاجەتسٸز شارالاردان باس تارتۋ. اتاپ ايتقاندا, سەمينارلار, كٶرمەلەر مەن كونفەرەنتسييالار ۇيىمداستىرۋ, كونسالتينگ قىزمەتتەرٸن ساتىپ الۋ, ەكٸمشٸلٸك عيماراتتار سالۋ, اۆتوكٶلٸك ساتىپ الۋ جەنە كٷردەلٸ شىعىندار توقتاتىلادى.
سونىمەن قاتار, ۇلتتىق ەكونوميكا مينيسترلٸگٸ قارجى مينيسترلٸگٸمەن بٸرلەسٸپ, باسقا دا بيۋدجەت باپتارىن قايتا قاراپ, قوسىمشا رەزەرۆ كٶزدەرٸن ٸزدەستٸرٸپ جاتىر. بۇل تۋرالى مينيسترلٸك تاراتقان رەسمي حابارلامادا جالپى سيپاتتا ايتىلعان.
توقاەۆ نە دەپ ەدٸ?
ەسكە سالايىق, پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا رەفورمالاردىڭ ناقتى باعىتى مەن ونى جٷزەگە اسىرۋ جولدارى تۋرالى ايتقان بولاتىن.
"ٷكٸمەت ەل ەكونوميكاسىن تۇرالاپ قالۋدان ساقتاپ, ورنىقتى دامۋدى قامتاماسىز ەتۋ ٷشٸن كٷردەلٸ شەشٸمدەر قابىلداۋى كەرەك جەنە ەڭ باستىسى سول شەشٸمدەردٸ ٸسكە اسىرۋعا تيٸس. بۇل – جوعارى بٸلٸكتٸ ەرٸ جاۋاپكەرشٸلٸك الۋعا دايىن مەملەكەتتٸك قىزمەتشٸلەردٸڭ قولىنان كەلەتٸن جۇمىس. ەلەمدٸك تەجٸريبەگە قاراساق, مەملەكەتتٸك اپپاراتتىڭ تيٸمدٸلٸگٸ وسىنداي كٷردەلٸ كەزەڭدەردە ايقىن كٶرٸنەدٸ.
ٷكٸمەت قانشالىقتى قيىن بولسا دا, جاپپاي ٷنەمدەۋگە كٶشٸپ, بيۋدجەت قارجىسىن تەك قانا اسا ٶزەكتٸ مەسەلەلەردٸ شەشۋگە جۇمساۋى كەرەك. كٶرپەگە قاراي كٶسٸلەتٸن ۋاقىت كەلدٸ. ورىنسىز شىعىندى توقتاتىپ, اياعىمىزدى تارتىپ باسۋ قاجەت", دەگەن ەدٸ مەملەكەت باسشىسى.
